चालु आर्थिक वर्षको चैत मसान्तसम्ममा कम्पनीले १ लाख ४ हजार रुपैयाँ नोक्सानी व्यहोरेको छ। गत आर्थिक वर्षको सोही अवधिसम्ममा कम्पनी ९ लाख ११ हजार रुपैयाँ नाफा कमाएको थियो।
विद्युत बिक्री आम्दानी नभए पनि कम्पनीको अन्य आम्दानी घटेका कारण कम्पनीले नोक्सानी व्यहोर्नु परेको हो।
गत आर्थिक वर्षको चैत मसान्तसम्ममा १० लाख २८ हजार रुपैयाँ अन्य आम्दानी गरेको यस कम्पनीले चालु आर्थिक वर्षको सोही अवधिसम्ममा ५९३ रुपैयाँ मात्र यस्तो आम्दानी गरेको छ। जसले गर्दा कम्पनी नोक्सानी व्यहोर्नु परेको हो।
९९ करोड रुपैयाँ चुक्ता पूँजी रहेको यस कम्पनीको जगेडा कोष ८६ लाख २८ हजार रुपैयाँ ऋणात्मक रहेको छ। सो अवधिसम्ममा कम्पनीको प्रतिशेयर नेटवर्थ ९९ रुपैयाँ १३ पैसा रहेको छ।