बक्यौता नतिरकोे भन्दै अघिल्लो हप्ता बसेको मन्त्रीपरिषद्को निर्णयले हेलो नेपालको लाइसेन्स खारेज गरेको थियो ।
विगत ५ बर्षदेखि हेलो नेपाल स्याटेलाइट टेलिकमले युनिफाइड लाइसेन्स बापतको नविकरण दस्तुर, फ्रिक्वेन्सी, रोयल्टी लगाएत विभिन्न शीर्षकमा झन्डै एक अर्ब रुपैयाँ बढी भुक्तानी गर्न बाँकी छ ।
सरकारले लाइसेन्स खारेज गरेपछि व्यवसायी अजय सुमार्गीले सरकारको निर्णय विरुद्ध अदालत जाने तयारी गरेकाे मुत्तिश्री समुहका निर्देशक अरुणराज सुमार्गीले मेरो लगानीलाई जानकारी दिए ।
‘अब हाम्रो अन्तिम बाटो नै अदालत जाने भयो’ सुमार्गीले भने ‘खारेजी विरुद्ध मुद्दा लड्न वकिलहरुसँग छलफल र फाइलहरु तयार भइरहेको छ । ’
उनले सरकारले नै युनिफाइड लाइसेन्स नदिएर यस्तो मिडियाबाजी गरिरहेको आरोप लगाए ।
हेलो नेपालको लाइसेन्स २०७६ भदौमापनि नेपाल दूरसञ्चार प्राधिकरणले खारेज गरेको थियो । तर, सरकारसँग पुनरावलोकन निवेदन दिएर तत्कालिन केपी शर्मा ओलीको सरकारले जोगाउँदै ५ बर्षे किस्ता सुविधा दिएको थियो ।
किस्ता सुविधा दिए पनि हेलाे नेपालले हालसम्म कुनै रकम बुझाउन सकेको छैन । माओवादी केन्द्रका अध्यक्ष पुष्पकमल दहालसँग निकट रहेका व्यवसायी अजय सुमार्गीको कम्पनी हेलो नेपाल अहिले सञ्चालनमा छैन ।
तर, सञ्चालनमा नभएपनि शक्तिको आडमा टेलिकमको लाइसेन्स र फ्रिक्वेन्सी होल्ड गरेर बसिरहेको छ ।
यो पनि पढ्नुस्
