वाणिज्य बैंकहरुको अधिकतम १२.१३ प्रतिशत पुगेको छ। बैंकहरुले व्यक्तिगत मुद्दति निक्षेपमा सो दरले ब्याजर प्रदान गर्ने भएका छन्।
बैंकर्स सँघले विगत ६ महिनादेखि निक्षेपमा ब्याजदर नबढाउने गरी गर्दै आएको भद्र सहमति खारेज गरेसँगै बैंकहरुले ब्याजदर बढाएका हुन्। भदौ ३० गते, बिहीबार बसेको सँघको कार्यसमिति बैठकले ब्याजदर निर्धारणलाई स्वतन्त्र छोड्ने निर्णय गरेको थियो।
गत फागुनदेखि नै बैंकहरुले निक्षेपको ब्याज बढाएका थिएनन्। सबै बैंकले मुद्दती निक्षेपमा अधिकतम ११.०३ प्रतिशत ब्याज दिँदै आएका थिए। तर केहि बैंकले भद्र सहमति तोडेर धेरै ब्याज दिन थालेपछि बैंकर्स सँघले ब्याजदर निर्धारणलाई स्वतन्त्र छोड्ने निर्णय गरेको हो।
राष्ट्र बैंकले अघिल्लो महिनाको औसत ब्याजदरको १० प्रतिशत मात्रै बढाउन पाउने व्यवस्था गरेकोले असोजमा बैंकहरुले अधिकतम १२.१३ प्रतिशत ब्याजदर कायम गरेका हुन्।
