लघुबीमा कम्पनी खोल्न लगानीकर्ताहरु इच्छुक देखिएनन्, २३ दिन वित्दा पनि आवेदन परेन

Sep 18, 2022 05:42 PM Merolagani

बीमा समितिले भदौ १० गते लघुबीमा कम्पनी स्थापनाको लागि प्रस्ताव आह्वान गरेको थियो । समितिले चालु आर्थिक वर्षको बजेटमा उल्लेख गरे अनुसार लघुबीमा कम्पनी स्थापनाको लागि आह्वान गरेको हो ।

तर लघुबीमा कम्पनी स्थापनाको लागि आह्वान गरेको २३ दिन वित्तिसक्दा पनि अझै एउटा पनि आवेदन परेको छैन् । बीमा समितिका कार्यकारी निर्देशक रामुरमण पौडेलले हालसम्म पनि लघु बीमा कम्पनी सञ्चालनको लागि आवेदन नपरेको पुष्टि गरेका हुन् ।

'लघुबीमा कम्पनीको लाइसेन्स माग्दै हालसम्म कुनै पनि कम्पनीको आवेदन परेको छैन् ।' समितिका कार्यकारी निर्देशक पौडेलले भने,'अझै समय छ । त्यस अवधिमा लाइसेन्सको लागि आवेदन पर्ला नि ।'

समितिले लघुबीमा कम्पनी स्थापनाको लागि प्रस्ताव आह्वान गर्नु अघिनै करिब १ दर्जन कम्पनीहरुले आवेदन दिएका थिए । तर समितिले उक्त आवेदनहरु रद्द गर्दै नयाँ प्रस्ताव आह्वान गरेको हो ।

लघु बीमा कम्पनीबाट धेरै विजनेश नहुने भएकोले लगानीकर्ताहरुले खासै चासो नदेखाएको हुन सक्ने समितिकै पूर्व कार्यकारी निर्देशक श्रीमान कार्कीको भनाई छ ।

'लगानीकर्ताहरुले तत्काल रिर्टन खोज्छन् । लघुबीमा कम्पनीको प्रिमियम कम छ । यसबाट खासै धेरै विजनेश पनि हुदैन ।' उनले भने,'त्यस माथि चुक्ता पूँजी पनि ७५ करोड रुपैयाँ तोकिएको छ । लगानीकर्ताहरुलाई पूँजी जुटाउने पनि समस्या भइरहेको हुनसक्छ ।'

यद्यपी उनले आफुहरुले भने लघु बीमा कम्पनी सञ्चालनको लागि अनुमति लिने तयारी गरिरहेको जानकारी गराए । 'हामीले पनि लघु बीमा कम्पनीको लागि आवेदन दिने तयारी गर्दैछौं । पूँजी जुटाउने विषयमा हामी छलफल गर्दैछौं ।' उनले भने ।

रि इन्स्योरेन्स कम्पनीको लाइसेन्स नपाएपछि कार्की सहितको समुहले लघु बीमा कम्पनीको लाइसेन्स लिने तयारी थालेका हुन् ।

समितिले ३ जीवन बीमा र ४ निर्जीवन बीमा गरी ७ लघुबीमा कम्पनी स्थापनाको लागि प्रस्ताव आह्वान गरेको छ । सूचना प्रकाशित भएको ३५ दिनको १२ बजेभित्र समितिको नाममा शिलबन्दी प्रस्ताव पेश गर्न आग्रह गरेको हो ।

प्रस्तावित लघुबीमा कम्पनीको चुक्ता पूँजी प्रस्ताव गर्दा कम्तीमा ७५ करोड रुपैयाँ हुने पर्ने उल्लेख छ । यस्तै प्रस्ताव संस्थापकहरुले एकै किसिमको बीमा व्यवसाय गर्ने बीमा कम्पनीहरुमा हुन नहुने पनि व्यवस्था गरेको छ ।

बीमा समितिले हाल सञ्चालनमा रहेका बीमा कम्पनीहरुले लक्ष्य पुरा गर्न नसक्दा लघु बीमा कम्पनीको लाइसेन्स वितरण गर्न लागिएको जनाएको छ । बीमा कम्पनीहरुले समितिको निर्देशन अनुसार लक्ष्य पुरा गर्न नसक्दा लघु बीमा व्यवसाय गर्नकै लागि लघु बीमा कम्पनीको लाइसेन्स वितरण गर्न लागिएको समितिको भनाई छ ।

ग्रामीण एवं दुर्गम भेगमा बसोवास गर्ने नागरिकले आफ्नो स–सानो रकमबाट आफू र आफ्नो परिवार,घर,व्यवसाय,खेतीपाती,पशुपन्छी,जडिबुटीलगायतको बीमा गरी जोखिम बीमा कम्पनीहरूलाई हस्तान्तरण गर्न लघु बीमा कम्पनीलाई लाइसेन्स वितरण गर्न लागिएको समितिले जनाएको छ ।

लघु बीमा संस्थापना तथा दर्ता सम्बन्धी निर्देशिकामा के छ ? 

बीमा समितिले लघुबीमा कम्पनी स्थापनाको लागि बाटो खुलाउँदै भदौ ६ गते लघु बीमा संस्थापना तथा दर्ता सम्बन्धि निर्देशिका २०७९ जारी गरेको थियो ।

निर्देशिका अनुसार पब्लिक लिमिटेड कम्पनीको रूपमा दर्ता हुनुपर्ने कम्पनीले चुक्ता पूँजीको न्युनतम ३० प्रतिशत शेयर सर्वसाधारणलाई निष्काशन गर्नु पर्ने उल्लेख छ ।

यस्तै संस्थापकको पनि न्युनतम ५१ प्रतिशत शेयर हुनु पर्ने निर्देशिकामा व्यवस्था छ ।

लघु बीमा कम्पनीको कर्पोरेट कार्यालय काठमाडौं उपत्यका बाहिर हुनु पर्ने पनि निर्देशिकामा उल्लेख छ ।

comments powered by Disqus

यो बियरमा शेयर मूल्य ५० रुपैयाँसम्म झर्ला ? अघिल्लो बियरको मूल्यसँग तुलना गर्दा यस्तो देखियो, एनटिसीले बजार फर्काउने

Sep 25, 2022 05:52 PM

सुवास निरौला

गएको बियर ट्रेन्डमा प्रति कित्ता शेयर मूल्य ५० रुपैयाँको हाराहारीमा झरेकाे थियाे। जबकि ती शेयर प्राथमिक बजारमै एक सय रुपैयाँ प्रति कित्ताका दरले निष्कासन भएका थिए। बेस प्राइस भन्दा ५० प्रतिशत छुटमा शेयर पाउँदा समेत तत्कालीन समयमा उक्त मूल्यमा शेयर सहज खरिद बिक्री हुने सहज अवस्था थिएन।