गत आर्थिक वर्षको पुस मसान्तसम्ममा कम्पनीले १४ करोड ११ लाख रुपैयाँ खुद नाफा कमाएको थियो ।
कम्पनीको खुद बीमाशुल्क पनि २४.५२ प्रतिशतले बढेर ७५ करोड १४ लाख रुपैयाँ पुगेको छ । गत आर्थिक वर्षको यसै अवधिमा कम्पनीले ६० करोड ३४ लाख रुपैयाँ खुद बीमाशुल्क आर्जन गरेको थियो ।
यस्तै कम्पनीले पुनर्बीमा पावत १४ करोड ८८ लाख रुपैयाँ र लगानी कर्जा तथा अन्य आयबाट ६ करोड १२ लाख रुपैयाँ आम्दानी गरेको छ ।
चुक्ता पूँजी १ अर्ब ४० करोड ८० लाख रुपैयाँ रहेको कम्पनीको जगेडा कोषमा २८ करोड १४ लाख रुपैयाँ, बीमा कोषमा एक अर्ब २५ करोड ७९ लाख रुपैयाँ र महाविपत्ती कोषमा १० करोड १९ लाख रुपैयाँ सञ्चित छ ।
यस अवधिसम्ममा कम्पनीको प्रतिशेयर आम्दानी २० रुपैयाँ ९९ पैसा, प्रतिशेयर नेटवर्थ २१६ रुपैयाँ ९१ पैसा र मूल्य आम्दानी अनुपात ३०.८७ गुणा रहेको छ ।
कम्पनीले यस अवधिमा ७३ हजार ७६० वटा बीमालेख जारी गरी १ अर्ब ४० करोड १६ लाख रुपैयाँ कुल बीमाशुल्क आर्जन गरेको छ ।
