ब्याज आम्दानी बढेतापनि सूर्योदय वाेमी लघुवित्तको नाफा किन घट्यो?

Aug 15, 2023 11:14 AM Merolagani

सूर्योदय वाेमी लघुवित्त वित्तीय संस्था लिमिटेड(SWMF)ले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ । विवरण अनुसार लघुवित्तको खुद नाफा अघिल्लो आर्थिक वर्षको सोही अवधिको तुलनामा घटेको छ ।

गत आर्थिक वर्षको अन्त्यसम्ममा लघुवित्तले ७ करोड ९७ लाख रुपैयाँ खुद नाफा कमाएको छ । यो अघिल्लो आर्थिक वर्षको सोही अवधिको तुलनामा ४२.९० प्रतिशत कम हो। अघिल्लो आर्थिक वर्षको सोही अवधिसम्ममा लघुवित्तले १३ करोड ९६ लाख रुपैयाँ खुद नाफा कमाएको थियो ।

खुद ब्याज आम्दानी बढेतापनि सञ्चालन आम्दानीमा संकुचन आउदा र इम्पेरमेन्ट चार्ज बढेका कारण लघुवित्तको खुद नाफा दवाव पुगेको हो ।

यस अवधिमा लघुवित्तको सञ्चालन आम्दानी ४३.६९ प्रतिशतले घटेर ११ करोड २३ लाख रुपैयाँमा सीमित भएको छ । समीक्षा अवधिमा लघुवित्तको खुद ब्याज आम्दानी २१.९२ प्रतिशतले बढेको छ । लघुवित्तको वितरणयोग्य मुनाफा भने ६ करोड ९० लाख रुपैयाँ रहेको छ । यस अवधिमा लघुवित्तको खराब कर्जा अनुपात बढेको देखिन्छ । समीक्षा अवधिमा लघुवित्तको निष्क्रिय कर्जा ६.७८ प्रतिशत पुगेको छ । लघुवित्तको इम्पेरमेन्ट चार्ज बढेर एक करोड १६ लाख रुपैयाँबाट बढेर दुई करोड ३४ लाख रुपैयाँ पुगेको छ ।

९१ करोड ७ लाख रुपैयाँ चुक्ता पूँजी रहेको यस लघुवित्तको जगेडा कोषमा एक अर्ब २२ करोड ३५ लाख रुपैयाँ सञ्चित छ । सो अवधिसम्ममा लघुवित्तले ४ अर्ब ५४ करोड ८४ लाख लाख निक्षेप तथा सापटीबाट १० अर्ब ४ करोड ५६ लाख रुपैयाँ कर्जा लगानी गरेको छ ।

नाफासँगै लघुवित्तको प्रतिशेयर आम्दानी पनि घटेको छ । समीक्षा अवधिमा लघुवित्तको प्रतिशेयर आम्दानी १७ रुपैयाँ ६३ पैसाबाट घटेर ८ रुपैयाँ ७५ पैसा कायम भएको छ । असार मसान्तसम्ममा लघुवित्तको प्रतिशेयर नेटवर्थ २५५ रुपैयाँ २४ पैसा रहेको छ भने मूल्य आम्दानी अनुपात ८३.७३ गुणा छ ।

comments powered by Disqus

२२२ रुपैयाँको लागि बालेन र राजेन्द्र लिङदेनबीच चर्काचर्की, निर्णय फिर्ता नलिए बालेन विरुद्ध अदालत जाने लिङदेनको चेतावनी

Apr 15, 2024 06:13 PM

 भनिन्छ, व्यक्तिगत ‘इगो’ भयो भने मानिस जस्तोसुकै सानो घटनालाई पनि प्रतिष्ठाको विषय बनाउँछ र अर्काे पक्षको विरुद्ध जाइलाग्छ । काठमाडाैं महानगरपालिकाका प्रमुख बालेन्द्र साह (बालेन) र राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनबीच शुरु भएको २२२ रुपैँयाको विवादले त्यही कुरालाई पुष्टि गरेको छ ।