नेप्सेमा सूचीकृत भएका ८ जीवन बीमा कम्पनीहरुकाे दीर्घकालिन लगानी एक खर्ब २१ अर्ब ६० करोड रुपैयाँ अर्थात ४५.३६ प्रतिशतले वृद्धि भएको छ ।
नेपाल लाईफ इन्स्योरेन्सले सार्वधिक दीर्घकालिन लगानी तथा कर्जा परिचालन गरेको देखिन्छ । समीक्षा अवधिमा एक खर्ब ३२ अर्ब ३७ करोड रुपैयाँ प्रवाह गरेको छ । यो अघिल्लो आर्थिक वर्षको तुलनामा ६८.३५ प्रतिशतले बढी हो । अघिल्लो आर्थिक वर्षमा ७८ अर्ब ६३ लाख रुपैयाँ परिचालन गरेको थियो ।
यस अवधिमा आईएमई लाईफ इन्स्योरेन्स सबै भन्दा थोरै दीर्घकालिन लगानी गरेको छ । यस कम्पनीको यस्तो प्रकारको लगानी विस्तार १० अर्ब ९ करोड रुपैयाँ छ ।
प्रतिशतको आधारमा सानिमा रिलायन्स लाईफ इन्स्योरेन्सले सर्वाधिक वृद्धि गरेको देखिन्छ । यस कम्पनीको दीर्घकालिन लगानी तथा कर्जा विस्तार १७४.३६ प्रतिशतले वृद्धि भएर ११ अर्ब २८ करोड रुपैयाँ प्रवाह गरेको छ । अघिल्लो आर्थिक वर्षमा याे इन्स्योरेन्सले ४ अर्ब ३१ करोड रुपैयाँ कर्जा लगानी गरेको थियो ।
त्यसैगरी हिमालयन लाईफ इन्स्योरेन्सकाे ४६ अर्ब २३ करोड रुपैयाँ, नेशनल लाईफ इन्स्योरेन्स ४९ अर्ब ५ करोड रुपैयाँ, सूर्यज्योती लाईफ इन्स्योरेन्स २४ अर्ब ६७ करोड रुपैयाँ लाईफ इन्स्योरेन्स कर्पोरेसन नेपालले ८१ अर्ब र एशियन लाइफ इन्स्योरेन्सको ३४ अर्ब ९५ करोड रुपैयाँ दीर्घकालिन लगानी तथा कर्जा रहेको छ ।
