कम्पनीले दिएको जानकारी अनुसार पहिलो चरण दिपल एस–०७ एसयूभी र एल–०७ सेडान नेपाल ल्याउने तयारी भएको छ । कम्पनीले चाडै बुकिङ खुलाउने तयारी गरिरहेको यो गाडीको लुक्स र डिजाइन आकर्षक छ ।
चिनियाँ कम्पनी दिपल एल–०७ मोडलमा ६६.८ किलोवाट आवर टेनरी लिथियम आयोन (एनएमसी) ब्याट्री हुने छ । जसले ५४० किलोमिटर रेन्ज दिने कम्पनीको दाबी छ ।
अधिकतम पीक पावर १९० किलोवाट (२५८ पीएस) रहेको यो कारले अधिकतम टर्क ३२० एनएम प्रदान गर्छ । यो गाडीमा दिइएको ब्याट्री डिसी फास्ट चार्जरले ३५ मिनेटमै चार्ज हुने कम्पनीको दाबी छ । त्यस्तै एस–०७ चिनियाँ बजारमा दुई मोटर अप्सनमा १६० किलोवाट र १९० किलोवाटमा उपलब्ध छ । नेपाल कुन मोटर अप्सनमा आउने हालसम्म कम्पनीले आधिकारिक रुपमा जानकारी दिएको छैन ।
दिपल एस ०७ मा दुई ब्याट्री अप्सन दिएको छ । जसमा ६६.८ किलोवाट आवर र ७९.९७ किलोवाट आवरको दुई ब्याट्रीले क्रमश ५२० , ६२० किलोमिटर रेन्ज दिने कम्पनीको दाबी छ ।
यो गाडीमा एलइडी,पानारोमीक ग्लास रुफ, हाइट एड्जस्टएबल हेडलाइट,फ्रेमलेस ढोका,अटो फ्रन्ट डिफगिङ सिस्टम,इलेक्ट्रीक हिडन डोर ह्याण्डल लगाएतका फिचर दिइएको छ । यी लगाएत धेरै इलेक्ट्रिक फिचर यो गाडीमा छन । यो गाडी निकै स्मार्ट छ ।
१४.६ इन्चको टच स्कृन,१०.२ इन्चको एलसीडी मिटर, १४ वटा स्पीकर, वारलेस चार्जरपनि पाउन सकिन्छ । गाडीमा दुई दर्जन बढी सुरक्षा फिचर रहेका छन । हालसम्म कम्पनीले मूल्य भने सार्वजनिक गरेको छैन ।