चालु आर्थिक वर्षको दोस्रो त्रैमाससम्ममा होटलले ५ करोड ३४ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा ४६.२४ प्रतिशत बढी हो। गत आर्थिक वर्षको सोही अवधिसम्ममा होटलले ३ करोड ६५ लाख रुपैयाँ खुद नाफा कमाएको थियो।
आम्दानी बढेसँगै होटलको खुद नाफा पनि बढेको छ। समीक्षा अवधिमा होटलको आम्दानी २७.५७ प्रतिशत बढेर ५६ करोड १ लाख रुपैयाँ पुगेको छ। त्यसैगरी, होटलको कुल नाफा २४.६१ प्रतिशत, कुल खर्च २२.६८ प्रतिशत बढेको छ र सञ्चालन मुनाफा ३५.२१ प्रतिशत बढेको छ।
नाफा बढेसँगै होटलको प्रतिशेयर आम्दानी पनि बढेको छ। समीक्षा अवधिमा होटलको यस्तो आम्दानी ३ रुपैयाँ बढेर ९ रुपैयाँ ४८ पैसा पुगेको छ। सो अवधिसम्ममा होटलको प्रतिशेयर नेटवर्थ ३४२ रुपैयाँ ५८ पैसा रहेको छ भने मूल्य आम्दानी अनुपात ९३.३२ गुणा रहेको छ।
१ अर्ब १२ करोड ८० लाख रुपैयाँ चुक्ता पूँजी रहेको यस होटलको जगेडा कोषमा २ अर्ब ७३ करोड ६४ लाख रुपैयाँ रहेको छ।
