तेश्रो त्रैमाससम्म १० करोड १३ लाख खुद नाफा गरेको कम्पनीको नाफा चौथो त्रैमाससम्ममा एक करोड ९७ लाखले घटेको हो ।
कम्पनीको खुद बीमा शुल्क आर्जन रकम भने चैतको तुलनामा असार मसान्तसम्म ११ करोड ९५ लाखले बढेर २९ करोड ८ लाख पुगेको छ ।
एक अर्ब ४० करोड रुपैयाँ चुक्ता पूँजी रहेका कम्पनीले अवधि सम्ममा २९ करोड ६९ लाख रुपैयाँ कुल बीमा शुल्क संकलन गरेको छ । कम्पनीको हाल सम्म ९ हजार ८२१ बीमालेख कायम छ । अहिले सम्म कुनै दाबी भुक्तानी नगरेको कम्पनीले तीन वटा दाबी वापत ६ लाख ७० हजार रुपैयाँ भुक्तानी गर्न बाँकी छ ।
कम्पनीको जगेडा कोषमा सात करोड ९४ लाख रुपैयाँ, जीवन बीमा कोषमा १६ करोड २४ लाख रुपैयाँ र महाविपत्ति कोषमा ८७ लाख रुपैयाँ सञ्चित गरेको छ ।
कम्पनीले चुक्ता पूँजी २ अर्ब पुर्याउन ६० करोड रुपैयाँको सर्वसाधारण सेयर निष्काशन गर्ने प्रकृयामा रहेको छ । कम्पनीले आइपिओ निष्काशनका लागि नेपाल एसबिआई मर्चेन्ट बैकिङ्गलाई शेयर निष्काशन तथा बिक्री प्रबन्धक नियुक्त गरिसकेको छ ।
