चालु आर्थिक वर्षको चैत मसान्तसम्ममा कम्पनीले ५२ लाख २६ हजार रुपैयाँ नोक्सानी व्यहोरेको छ। गत आर्थिक वर्षको सोही अवधिसम्ममा कम्पनीले ३ करोड ९३ लाख रुपैयाँ खुद नाफा आर्जन गरेको थियो।
आम्दानी घटेपछि कम्पनीले नोक्सानी व्यहोर्नु परेको हो।
समीक्षा अवधिमा कम्पनीको आम्दानी १४.७३ प्रतिशत घटेर १३ करोड ५७ लाख रुपैयाँमा झरेको छ। त्यस्तै, कम्पनीको कुल नाफा १७.१२ प्रतिशत घटेको छ भने सञ्चालन मुनाफा ६४.७७ प्रतिशत घटेको छ।
चैत मसान्तसम्ममा कम्पनीको प्रतिशेयर आम्दानी ७२ पैसा ऋणात्मक रहेको छ भने प्रतिशेयर नेटवर्थ ८७ रुपैयाँ ८१ पैसा रहेको छ।
९६ करोड ७५ लाख रुपैयाँ चुक्ता पूँजी रहेको यस कम्पनीको सञ्चित नोक्सानी ५१ करोड ५० लाख रुपैयाँ रहेको छ।
