चालु आर्थिक वर्षको चैत मसान्तसम्ममा कम्पनीले ६१ करोड ६६ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा ४.१७ प्रतिशत बढी हो। गत आर्थिक वर्षको सोही अवधिसम्ममा कम्पनीले ५९ करोड २० लाख रुपैयाँ खुद नाफा कमाएको थियो।
कम्पनीको आम्दानी सामान्य बढेसँगै खुद नाफा बढेको हो।
समीक्षा अवधिमा कम्पनीको ब्याज आम्दानी ११.६२ प्रतिशत बढेको छ भने कुल आम्दानी ३.५० प्रतिशत बढेको छ। त्यसैगरी, कम्पनीको कुल खर्च ०.९३ प्रतिशत बढेको छ।
समीक्षा अवधिमा कम्पनीको चुक्ता पूँजी ९ प्रतिशत बढेको छ भने जगेडा कोष ५३.०७ प्रतिशत बढेको छ।
नाफा बढेपनि कम्पनीको प्रतिशेयर आम्दानी भने घटेको छ। समीक्षा अवधिमा कम्पनीको यस्तो आम्दानी १ रुपैयाँ १७ पैसा घटेर २५ रुपैयाँ १५ पैसामा झरेको छ। चैत मसान्तसम्ममा कम्पनीको प्रतिशेयर नेटवर्थ १८६ रुपैयाँ रहेको छ।