प्रहरी प्रधान कार्यालयले पाँच प्रहरी कर्मचारीलाई नगद पुरस्कारसहित सम्मान गरेकाे हाे । पुरस्कृत हुनेमा प्रहरी नायब उपरीक्षक सुकेदेव खनाल र टङ्क राउत तथा प्रहरी जवान श्रीराम परियार, करणसिंह चाइसिर, भीमप्रसाद गौतम र कृष्ण जोशी रहेका छन् ।
बुधबार बिहान ११ बजेर ११ मिनेटमा सौर्य एयरलाइन्सको नाइनएन-एएमईरसिआरजे२०० कल साइनको विमान दुर्घटनामा परेको थियो। उक्त विमान धावनमार्गमा उड्दा बुद्ध एअरको ह्यांगर पछाडि दुर्घटना भएकाे थियो । विमानमा लागेकाे आगो करिब पाैने १२ बजे मात्र नियन्त्रणमा आएको थियो । विमान दुर्घटनामा परेर १८ जनाले ज्यान गुमाए भने विमानमा सवार एक जना क्याप्टेन मात्र जिवित रहेका छन् ।
