बुधबारको बजार ४३.२२ विन्दुले बढेर २७४२.८८ अंकमा पुगेको छ । यस दिन ५ अर्ब ६६ करोड रुपैयाँभन्दा बढीको कारोबार भएको छ। कारोबारमा आएका सबै समूहका सूचक बढेका छन् । यसले बजार बढ्ने राम्रो संकेत देखाएको लागानीकर्ताहरुको बुझाई छ ।
बैंक तथा वित्तीय संस्थाहरुले कात्तिक महिनाका लागि ब्याजदर घटाएका छन् । ब्याजदर निरन्तर घट्दै जाँदा त्यसको सकारात्मक प्रभाव बजारमा देखिएको कतिपयकाे भनाइ छ । बैंकहरुमा रहेको अधिक तरलताले लगानीकर्ता आकर्षित हुन पुगेका हुन् ।
अर्कोतर्फ कम्पनीहरुको पहिलो त्रैमासिक वित्तीय अवस्था सुधारउन्मुख आउनेमा पनि आशावादी भएको पाइन्छ । यसले बजारलाई अझै दरिलो बनाउँदै बजार बढ्नेमा विश्वास गर्न सकिन्छ ।
