आजको बजारमा काराेबारकाे सुरुवाती चरणमा उत्साहप्रद रहेकोमा अन्तिम समयमा आएर एकाएक बिक्री दबाव पर्यो । पछिल्ला केही कारोबार दिन बजार निरन्तर बढ्दा आजको बजारमा नाफा सुरक्षित गर्नेहरु सकृय भएको अनुमान लगानीकर्ताहरुले गरेका छन् ।
समग्रमा हेर्दा बजारको माहोल सकारात्मक छ । बैंकको ब्याजदर निरन्तर घट्दै छ । कर्जाकै ब्याजदर एकल अंकमा झरेको छ । यसले बजारमा पूँजी भित्रनको लागि बलियो टेवा पुर्याउने अनुमान लगानीकर्ता रमेश ढुङ्गानाले गरेका छन् । शेयर बजार जोखिमपूर्ण क्षेत्र हो । यो क्षेत्र सँग सरोकार राख्ने सबै पक्ष सचेत हुनपर्ने उनको बुझाई छ । शेयर बजारसँग सम्बन्धित नीति निमार्ण गर्दा सरकारले स्थिर नीति अवलम्वन गर्नुपर्ने र लगानीकर्ता स्वंयम अध्ययनशिल भएर लगानी गर्नु पर्नेमा ढुङ्गानाको जोड छ ।
