लगानीकर्ताको विश्वास कमजोर भएकै कारण आकर्षक ढंगले बढेको बजारले निरन्तरता पाउन नसकेको लगानीकर्ताहरुको बुझाई छ । एक दिन बढेको बजार दोस्रो दिनमा बिक्रीचाप बढ्ने गरेको छ । यसले बजार छिटो नाफा खोज्ने प्रवृत्ति हाबी भएको बुझाई छ ।
शेयर बजार प्रति सरकारले लिने नीतिमा नै कैफियत भएकाले बजारको विकास हुन नसकेको अर्थशास्त्री डा.भरत थापाले बताए । अर्को तर्फ बजारमा प्राथमिक शेयर आउने भएकाले सप्लाई बढेको छ । तर त्यसलाई टिकाउने पूँजी व्यवस्थापन हुन नसक्दा बजार घटेकाे थापाको बुझाई । त्यसैले बैंक जस्तै संस्थागत लगानीकर्तालाई बजारमा आउन वातावरण मिलाउनु पर्ने उनको भनाइ छ ।
