कम्पनी व्यवस्थापनले विगत २ वर्षदेखि उपलब्ध गराउँदै आएको सेवा सुविधामा विभेद गरिएको भन्दै गत असोजमा पनि धर्ना दिएको थियो। तर, असोज ६ गते कम्पनी व्यवस्थापन र दोलखा जिल्लाबासी कर्मचारीहरुद्वार गठित संघर्ष समितिका प्रतिनिधिहरुबीच माघ मसान्तसम्ममा सबै कर्मचारीहरुको सेवा सुविधामा समानता कायम गर्ने द्विपक्षीय सहमति पछि धर्ना कार्यक्रम रोकिएको थियो।
सहमति कार्यान्वयनका लागि संघर्ष समितिले माघ १ गते संयुक्त स्मरण पत्र र पछिल्लो पछक फागुन २८ गते ताकेता पत्र पेश गरेको समितिले बताएको छ। सोपश्चात पनि कम्पनीको व्यवस्थापन समितिले सोको वेवास्ता गरी सहमति कार्यान्वयन नगरेकोले आगामी आइतबारदेखि पुनः शान्तिपूर्ण धर्ना तथा विरोध सभा कार्यक्रम अघि सारेको हो। यससँगै समितिले कम्पनीको सवारी साधन सञ्चालनमा रोक लगाउने, गोंगरस्थित कार्यालयको कामकाज ठप्प पर्ने पनि बताएको छ। समितिले गोंगरस्थित पावर प्लान्ट सञ्चालनमा भने कुनै अवरोध नगर्ने जनाएको छ।
