फागुन महिनाको विवरण अनुसार कोषहरूले माघ महिनामा सबै कोषहरूको साधारण निक्षेप ८ अर्ब ४१ करोड रुपैयाँ रहेको थियो। तर फागुन महिनामा भने उक्त निक्षेप बढेर ९ अर्ब १७ करोड रुपैयाँ पुगेको छ।
जुन माघ महिनाको तुलनामा ९.०४ प्रतिशत बढी हो। साधारण निक्षेप बढ्दै गर्दा उता मुद्दती निक्षेप पनि बढेको छ। माघमा सबै कोषहरूको मुद्दती निक्षेप एक अर्ब ६९ करोड रहेकोमा फागुनमा उक्त रकम बढेर एक अर्ब ८६ करोड रुपैयाँ पुगेको छ। जुन माघको तुलनामा १०.०९ प्रतिशत बढी हो।
सबैभन्दा बढी साधारण निक्षेप बढाउनेमा एनआइसी एसिया ग्रोथ फण्ड छ। उसले १८१.८९ प्रतिशतले साधारण निक्षेप बढाएको छ। उसको माघमा २६ करोड रुपैयाँ साधारण निक्षेपमा रहेकोमा फागुनमा उक्त रकम बढेर ७४ करोड रुपैयाँ पुगेको छ। सबैभन्दा बढी मुद्दती निक्षेप बढाउनेमा एनएमबी हाइब्रिड फण्ड एल २ छ। उसको माघमा उक्त निक्षेप शून्य हरेकोमा अहिले फागुनमा आएर ३३ करोड पुगेको छ।
यता कोषहरूले दोस्रो बजारमा सूचीकृत कम्पनीहरूको शेयरमा समेत लगानी बढाएको देखिएको छ भने नन् लिष्टेड शेयरमा भने लगानी घटाएका छन्। कोषहरूले फागुनमा कुल ४३ अर्ब ३७ करोड रुपैयाँ लगानी गरेका छन्। जुन माघको भन्दा ४.७६ प्रतिशतले बढी हो। माघमा उनीहरूको कुल लगानी ४१ अर्ब ४० करोड रुपैयाँ थियो। सबैभन्दा बढी लगानी बढाउनेमा गरिमा समृद्धि योजना छ। यसले फागुनमा कुल लगानी बढाएर ६३ करोड रुपैयाँ पुर्याएको छ। जबकि माघमा उसको कुल लगानी ४० करोड रुपैयाँको हाराहारीमा थियो। जुन माघको तुलनामा ५७.०७ प्रतिशत बढी हो। यसै गरी सबै कोषहरूको नन् लिष्टेड शेयरको लगानी घटेर एक अर्ब ९१ करोडमा झरेको छ। जबकि माघमा उक्त लगानी दुई अर्ब ती करोड रुपैयाँ थियो। माघको तुलनामा नन् लिष्टेड शेयरमा हुने लगानी ५.७३ प्रतिशतले घटेको छ। सबैभन्दा बढी घटाउनेमा एनआइसी एसिया ब्यालेन्स फण्ड छ। उसले ६७.५९ प्रतिशतले घटाएको छ। माघमा उसको कुल लगानी एक करोड ९७ लाख रहेकोमा फागुनमा उक्त रकम घटेर ६ लाख ४० हजारमा झरेको छ।
माघको तुलनामा कोषहरूको नेट एसेट भ्यालु(न्याभ) थोरै बढेको छ। माघमा कोषहरूको कुल औसत न्याभ भ्यालु ११.१८ रहेकोमा माघमा बढेर ११.३५ पुगेको छ। जुन माघको भन्दा ०.२० प्रतिशत बढी हो। सबैभन्दा बढी न्याभ भ्यालु बढाउनेमा हिमालयन ८०/२० छ। उसले माघको तुलनामा आफ्नो न्याभ भ्यालु ०.५३ ले बढाएको छ। माघमा उसको न्याभ भ्यालु ११.९८ रहेकोमा फागुनमा उक्त भ्यालु बढेर १२.५१ पुगेको छ।
