अघिल्लो कारोबार दिन अर्थात गत बिहीबार ३.७६ अंक बढेर २९८२.६४ विन्दुमा बन्द भएको नेप्से, यस दिन सो सेसनमा २.२७ अंक बढेर २९८४.९२ विन्दुमा पुगेको छ। सो सेसनमा सेन्सेटिभ इण्डेक्स भने ०.४२ अंक घटेको छ।
आइतबार प्रि ओपन सेसनमा ८८ स्टकको २०८ पटकको कारोबारमा १ करोड १७ लाख ४७ हजार ५५२ रुपैयाँ ७० पैसाबराबरको २२ हजार २३९ कित्ता शेयर खरिदबिक्री भएको छ। जसमध्ये ४५ स्टकको मूल्य बढेको छ भने ३९ स्टकको मूल्य घटेको छ। बाँकी ४ स्टकको मूल्य सो सेसनमा स्थिर रहेको छ।
