यस दिन नेप्सेले सनराइज फोकस्डको १३.५० प्रतिशत, सनराइज फर्स्ट (SFMF) को १४ प्रतिशत र लक्ष्मी उन्नती कोषको २० प्रतिशत प्रतिफल समायोजन गरेको हो। समायोजनपश्चात सनराइज फोकस्डको इकाईमूल्य ९ रुपैयाँ १ पैसा, सनराइज फर्स्टको ९ रुपैयाँ ४९ पैसा र लक्ष्मी उन्नती (LUK) काे इकाईमूल्य ९ रुपैयाँ ८१ पैसा कायम भएको छ।
नेप्सेले अघिल्लो कारोबार दिनको अन्तिम मूल्यका आधारमा यी फण्डहरुको मूल्य समायोजन गरेको हो। अघिल्लो कारोबार दिन अर्थात सोमबार, दोस्रो बजारमा सनराइज फोकस्डको इकाई प्रतिकित्ता १० रुपैयाँ ३६ पैसा, सनराइज फस्टको १० रुपैयाँ ८९ पैसा र लक्ष्मी उन्नती कोषको प्रतिकित्ता ११ रुपैयाँ ८१ पैसा अन्तिम मूल्य कायम भएको थियो।
यही समायोजित मूल्यलाई आधार मानेर आज दोस्रो बजारमा यी फण्डहरुको कारोबार खुल्नेछ।
