उक्त कार्यदलले बजार सुधारका लागि गर्नै पर्ने सुझावहरु सरकारलाई बुझाई सकेको छ । सरकारले पनि उक्त सुझावहरु कार्यान्वयन गर्न सम्बन्धित सरोकारवाला निकायलाई निर्देशन गरेको छ । कार्यदलको सुझाव लगानीकर्ताको मर्म अनुसारको रहेको बुझाई छ र सरकारले पनि अक्षरस कार्यान्वयन गर्न निर्देशन दिएको हो । यद्यपि सरकारको उक्त सकृयतालाई बजारले विश्वास गरेको देखिदैन ।
दशैंपछि खुलेका दुई कारोबार दिन नै शेयर बजार फराकिलो अंकले घटेर बन्द भएको छ । दुई दिनको अन्तरालमा नै १०० अंक भन्दा धेरैले घटेको हो ।
बुधबारको बजार ४५.३६ अंकले घटेर २५५९.५९ विन्दुमा झरेको छ । यस दिन ५ अर्ब ७६ करोड २७ लाख रुपैयाँको शेयर खरिद बिक्री भएको छ । पछिल्लो समय मुलुकमा राजनीतिक अस्थिरता बढेको महसुस लगानीकर्ताहरुले गर्न थालेका छन । राजनीतिक गतिविधिले बजारमा लगानी गर्न लगानीकर्ता डराइरहेकाे शेयर बिश्लेषकको भनाइ छ ।
