कार्यदलले सरकारलाई बुझाएको पहिलो नम्बरको सुझाव मार्जिन प्रकृतिको शेयर धितो कर्जाको सीमा नेपाल राष्ट्र बैंकले हटाएको हो । साथै संगठित संस्थाको शेयर, डिवेञ्चर तथा अन्य लगानी सम्बन्धी व्यवस्था पनि लचक बनाएको छ ।
नेपाल राष्ट्र बैंकले सुझाव कार्यान्वयनमा देखाएको सकृयता प्रति शेयर बजारका लगानीकर्ताहरु सकारात्मक रहेका छन् । सोही अनुसार कारोबार खुलेको पहिलो ३ मिनेटको अन्तरालमा नै बजार ४ प्रतिशतले बढेर २० मिनेटको लागि बन्द भयो । त्यसपछि खुलेकाे बजार विस्तारै सामान्य भएको हो ।
लगानीकर्ताले वर्षैदेखि उठाउँदै आएका मागहरु पुरा भएका छन् । यद्यपि बजारमा लगानीकर्ताहरुको उत्साह भने देखिएन । बजारले बढ्नेको सूचकमा टिक्न नसक्दा लगानीकर्ताको विश्वास हराएको हो । मुलुकमा देखिएको राजनीतिक गतिविधिको कारण बजारमा भएका सकारात्मक पक्षहरु पनि ओझेलमा परेका छन् । बजारको लागि चालिएको कदमहरुले प्रतिकृया जनाउन नसकेको हो ।
बजार लगानी गर्ने राम्रो समय भएको अनुभवी लगानीकर्ता नयन बास्तोलाले बताए । शेयर बजारको सुझारको लागि सरकार कटिवद्ध छ । सम्बन्धित सरोकारवालाहरुले यसको कार्यान्वयनमा जोड दिनु पर्छ । यसै समयमा नगरिकको सरकार छ । ब्याजदर घटेको छ । प्रणालीमा पैसा पर्याप्त छ । सम्बन्धित सरोकारवालाहरुले चुस्त भएर काम नगर्दा लगानीकर्ताको विश्वास कमजोर भएको बास्तोलाको भनाइ छ । यो शेयर बजारमा आट गर्नेले कमाने र डराउनेहरु बजारबाटै हराउनु पर्ने हुन्छ । अहिले बजारमा आट गरेर लगानी गर्ने समय भएको बास्तोलाको भनाइ छ ।
बिहीबारको बजार २२.५९ अंकले बढेर २५८२.१८ विन्दुमा पुगेको छ । यसदिन ५ अर्ब २७ करोड ३२ लाख रुपैयाँ बराबरको शेयर खरिदबिक्री भएको छ ।
