एमजी विन्डसर इन्स्पायर संस्करण भनिने यो मोडेलले भारतमा विद्युत्तीय पारिवारीक कारको रुपमा सफल भएको अवसरमा एक वर्ष मनाउँदैछ । जसमा अहिलेसम्म ४० हजार युनिट एमजी विन्डसर इन्स्पायर इभी बिक्रि भइसकेका छन् ।
तर, कम्पनीले सफल एक वर्षको अवसरमा विशेष संस्करणका रुपमा ३ सय युनिट मात्र इभी गाडी भारतभर बिक्रि गर्नेछ । जसका मूल्य ९ लाख ९९ हजार रुपैयाँ पर्ने जनाइएको छ ।
विन्डसर इन्स्पायर संस्करणको बुकिङ खुला भइसकेको छ । यद्यपी, डेलिभरी भने सन् २०२५ अक्टोबर १५ बाट सुरु हुने कम्पनीले जनाएको छ । यो सीमित संस्करणको अनावरण हालै भारतका केन्द्रीय सडक यातायात तथा राजमार्ग मन्त्री शिर नितिन गडकरीले नयाँ दिल्लीमा गरेका थिए ।
यस्ता छन् विशेष फिचरहरु
यस एसयूभीमा डुअल टोन पर्ल सेतो कलर र स्टाररी कालो कलरमा चित्रित छ । एमजी विन्डसर इन्स्पायरले बेस्पोक इन्स्पायर ब्याजिङ, गुलाबी सुनको क्ल्याडिङ र कालो ओआरभीएम रहनेछ । यो विशेष संस्करणमा साङ्ग्रिया रातो र कालो छालाको अपहोल्स्ट्री, क्याबिनभरी सुनको हाइलाइटहरु रहन्छन् ।
एमजीले विशेष रुपमा डिजाइन गरिएको यस संस्करणका सहायक प्याकेजहरुसमेत प्रदान गर्नेछ । जसमा अगाडिको ग्रिल तत्व, बडी साइड मोल्डिंगहरु र बम्पर कुना प्रोजेक्टरहरुमा रोज गोल्ड स्टायलिङ तत्वहरु समावेश छन् । यसमा थीम्ड थ्रीडी म्याटहरु, इन्स्पायर कुशनहरु, पछाडिको झ्यालको सनशेडहरु र प्रिमियर छालाको कुञ्जी कभर पनि समावेश छ । ड्राइभ मेट प्रो+ किटले थप आकर्षण थप्दछ ।
त्यस्तै, स्काइलाइट इन्फिनिटी, भ्यू ग्लास रुफ र वायरलेस इल्युमिनेटेड सिल प्लेटहरुजस्ता वैकल्पिक सामानहरु पनि कम्पनीका डिलरसीपहरुमा उपलव्ध हुनेछन् । जसले ग्राहकलाई उनीहरुको इन्सापयर संस्करणलाई थप आफ्नोपनको आभास दिने कम्पनीको दाबी छ ।
त्यस्तै, एमजी विन्डसर इन्स्पायर संस्करणले उहीँ ३८ किलोवाट प्रतिघण्टाको ब्याट्री प्रयोग गर्दछ । जुन अगाडीको एक्सल माउन्ट गरिएको इलेक्ट्रिक मोटरसँग जोडिएको हुन्छ । १३६ बीएचपीको पावर र २०० एनएम टर्क उत्पादन गर्छ । यो सेटअपले सिंगल चार्जमा ३३१ किलोमिटरको रेन्ज प्रदान गर्ने दाबी गरिएको छ ।
