‘पर्ख र हेर’ को अवस्था
हाल कम्पनीको शेयर ‘पर्ख र हेर’ को अवस्थामा रहेको छ। हाल कम्पनीको प्रतिरोध क्षेत्र ५७० दखि ५९० सम्म रहेको छ। आगामी दिन कम्पनीको शेयरमूल्य ओरालो लागेमा ४७० देखि ४९० को क्षेत्रमा टेवा पाउने देखिन्छ।
खरिदकर्ता बलियो
गत साताको अन्तिम दुई कारोबार दिन कम्पनीको शेयरमूल्यले हरियो मैनबत्ती बनाएको छ। यसले ती दिनहरुमा कम्पनीको शेयरमा खरिदकर्ता बलियो रहेको संकेत गर्दछ। साप्ताहिक रुपमा भने कम्पनीको शेयरमूल्यले रातो ह्यामर मैनबत्ती बनाएको छ। यसले साताको सुरुवातमा बिक्रीकर्ता हाबी भएपनि अन्त्यतिर भने खरिदकर्ता बलियो हुन थालेको संकेत गर्दछ।
एआई सिग्नल
मेरोलगानी एआई चार्टले कम्पनीको शेयरमा हालसम्म ६ पटक बाइ सिग्नल दिइसकेको छ। ती सबै सिग्नलबाट लगानीकर्ताहरुले नाफा कमाएका थिए। हाल मेरोलगानी एआईले कम्पनीको शेयरमा कुनै सिग्नल दिएको छैन।
बलियो भोल्युम
यस साता कम्पनीको शेयरमूल्यसँगै भोल्यूम पनि बलियो रहेको छ। यस साता दैनिक औषतमा ३२ हजार ९२५ कित्ता शेयर खरिदबिक्री भएको छ। साताको अन्तिम कारोबार दिन कम्पनीको २० दिने औषत भोल्यूम ३० हजार ८७९ रहेको छ। २० दिने औषत भोल्यूमको तुलनामा दैनिक औषत भोल्यूम ६.६२ प्रतिशत बढी हो।
बुलिश प्रवृत्ति
प्राविधिक विश्लेषणको उपकरण एमएसिडीमा कम्पनीको एमएसिडी रेखा सिग्नल रेखाका साथै शून्य रेखाभन्दा माथि रहेको छ। त्यस्तै, कम्पनीको हिस्टोग्राम पनि यस साता सकारात्मक क्षेत्रमा रहेको छ। यसले बजारमा कम्पनीको शेयर बुलिश प्रवृत्तिमा रहेको संकेत गर्दछ। यद्यपि, कम्पनीको हिस्टोग्रामको उचाई घट्दो क्रममा रहेको छ।
खरिदचाप बढी
यस साता कम्पनीको स्टकास्टिक आरएसआई ओभरबट जोनमा रहेको छ। यसले यस साता बजारमा बिक्रीचापको तुलनामा खरिदचाप बढी रहेको संकेत गर्दछ।
वित्तीय अवस्था
चालु आर्थिक वर्षको पहिलो त्रैमाससम्म कम्पनीले २ करोड १७ लाख ८५ हजार रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा ६६.११ प्रतिशत बढी हो। गत आर्थिक वर्षको सोही अवधिसम्ममा कम्पनीले १ करोड ३१ लाख १५ हजार रुपैयाँ खुद नाफा कमाएको थियो।
विद्युत बिक्री आम्दानी घटेपनि वित्तीय खर्चका कारण कम्पनीको खुद नाफा बढ्न पुगेको हो।
समीक्षा अवधिमा कम्पनीको विद्युत बिक्री आम्दानी ८ करोड १७ लाख रुपैयाँबाट घटेर ७ करोड ८४ लाख रुपैयाँमा सीमित भएको छ। त्यस्तै, कम्पनीको कुल नाफा ७ करोड ५२ लाख रुपैयाँबाट घटेर ६ करोड ८० लाख रुपैयाँमा झरेको छ भने सञ्चालक मुनाफा ५ करोड ४४ लाख रुपैयाँबाट घटेर ४ करोड ५८ लाख रुपैयाँमा सीमित भएको छ।
कम्पनीको वित्तीय खर्च समीक्षा अवधिमा ४ करोड १७ लाख रुपैयाँबाट घटेर २ करोड १७ लाख रुपैयाँमा सीमित भएको छ। जसका कारण कम्पनीको खुद नाफा बढ्न पुगेको हो।
५० करोड रुपैयाँ चुक्ता पुँजी रहेको यस कम्पनीको जगेडा कोषमा ६ करोड १३ हजार रुपैयाँ सञ्चित छ।
असोज मसान्तसम्ममा कम्पनीको प्रतिशेयर आम्दानी १७ रुपैयाँ ४३ पैसा रहेको छ भने बुकभ्यालु ११२ रुपैयाँ रहेको छ। साताको अन्तिम कारोबार दिनको अन्तिम मूल्यका आधारमा कम्पनीको मूल्य आम्दानी अनुपात ३०.५८ गुणा र प्राइस टु बुकभ्यालु रेशियो ४.७६ गुणा रहेको छ।
आधारभूत अवस्था
हाल नेप्सेमा कम्पनीको ५० लाख कित्ता शेयर सूचीकृत छ। गत बिहीबार कम्पनीको शेयर प्रतिकित्ता ५३३ रुपैयाँमा अन्तिम कारोबार भएको थियो। यस अनुसार कम्पनीको कुल बजार पूँजीकरण २ अर्ब ६६ करोड ५० लाख रुपैयाँ रहेको छ।
कम्पनीको पछिल्लो ५२ हप्ताको उच्च मूल्य ७२२ रुपैयाँ रहेको छ भने न्यून मूल्य ४४१ रुपैयाँ रहेको छ। कम्पनीको १८० दिने औषत मूल्य ५०४ रुपैयाँ ६५ पैसा रहेको छ।
कम्पनीले इलाममा माइ बेनी जलविद्युत आयोजनामार्फत ९.५१ मेगावाट विद्युत उत्पादन गरी बिक्री गर्दै आइरहेको छ। कम्पनीले २०७८ असोज १ गतेदेखि व्यापारिक उत्पादन शुरु गरेको थियो।
ब्रोकर ४१ बाट सर्वाधिक खरिद
यस साता ब्रोकर नम्बर ४१ ले कम्पनीको सबैभन्दा बढी शेयर खरिद गरेको छ भने सर्वाधिक बिक्री गर्नेमा ब्रोकर नम्बर १७ रहेको छ। ४१ ले यस साता कम्पनीको २० हजार ५९६ कित्ता शेयर खरिद गरेको छ। त्यस्तै, ब्रोकर नम्बर ४९ ले कम्पनीको १७ हजार ४३५ कित्ता शेयर खरिद गरेको छ भने ६७ ले ९ हजार ३२ कित्ता शेयर खरिद गरेको छ। यस साता ब्रोकर नम्बर १७ ले भने कम्पनीको ८ हजार २६१ कित्ता शेयर बिक्री गरेको छ।
मूल्य बढ्ने अपेक्षा
फियर एण्ड ग्रीड मिटरमा कम्पनी अहिले फियर जोनमा रहेको छ। यसले लगानीकर्ताहरुमा कम्पनीको शेयरमूल्य घट्छ भन्ने डर रहेको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)
