अघिल्लो कारोबार दिन अर्थात गत बिहीबार १४.२१ अंक बढेर २९५०.१६ विन्दुमा बन्द भएको नेप्से, यस दिन सो सेसनमा ८.६२ अंक बढेर २९५८.७८ विन्दुमा पुगेको छ। सो सेसनमा सेन्सेटिभ इण्डेक्स भने १.६६ अंक बढेको छ।
आइतबार प्रि ओपन सेसनमा १४७ स्टकको ९०८ पटकको कारोबारमा १० करोड ७५ लाख ९३ हजार ४७३ रुपैयाँ २० पैसाबराबरको १ लाख ७५ हजार ८९९ कित्ता शेयर खरिदबिक्री भएको छ। जसमध्ये ७७ स्टकको मूल्य बढेको छ भने ३४ स्टकको मूल्य घटेको छ। बाँकी ३७ स्टकको मूल्य भने सो सेसनमा स्थिर रहेको छ।
