‘कन्सोलिडेसन’ को अवस्थामा
बैंकको शेयरमूल्य हाल एउटा सिमट्रीकल त्रिकोण भित्र ‘कन्सोलिडेसन’ को अवस्थामा रहेको छ। बैंकको शेयरमूल्यलाई माथिको प्रतिरोध रेखा (माइनर ट्रेण्ड) ले थिचिरहेको छ भने तलबाट सपोर्ट लाइन (माइनर ट्रेण्ड) ले टेवा दिइरहेको छ। यसरी दुई रेखाबीच मूल्य ‘स्क्वीज’ हुँदै जाँदा कुनै पनि बेला माथि वा तल ब्रेकआउट हुने सम्भावना रहन्छ।
मुभिङ्ग एभरेजमा अल्झिएको शेयरमूल्य
गत साता बैंकको शेयरमूल्य मुभिङ्ग एभरेजहरुका बीच अल्झिएको छ। साताको अन्तिम कारोबार दिन बैंकको शेयरमूल्य ५० दिने मुभिङ्ग एभरेज र १०० दिने मुभिङ्ग एभरेजभन्दा माथि छ भने १० दिने र २५ दिने मुभिङ्ग एभरेजभन्दा सामान्य तल छ। यसले बजारमा अहिले कुनै स्पष्ट दिशा नभएको र बजार अन्योलमा रहेको पुष्टि गर्दछ।
एआई सिग्नल
मेरोलगानी एआई चार्टले बैंकको शेयरमा हालसम्म ६ वटा सिग्नल दिइसकेको छ। जसमध्ये ३ वटा सिग्नलमा लगानीकर्ताहरुले नाफा कमाएका थिए भए ३ वटा स्टकको स्टम लस गर्नु परेको थियो। हाल एआईले बैंकको शेयरमा कुनै सिग्नल देखाएको छैन।
बलियो भोल्यूम
गत साता बैंकको भोल्यूम बलियो रहेको छ। गत साता बैंकको दैनिक औषतमा ४६ हजार ३२० कित्ता शेयर खरिदबिक्री भएको छ। साताको अन्तिम कारोबार दिन बैंकको २० दिने औषत भोल्यूम ३८ हजार ६५० कित्ता रहेको छ। २० दिने औषत भोल्यूमको तुलनामा यस साताको दैनिक औषत भोल्यूम १९.८४ प्रतिशत बढी हो।
बियरिश प्रवृत्ति
प्राविधिक विश्लेषणको अर्को उपकरण एमएसिडीमा गत साता कम्पनीको एमएसिडी रेखा, सिग्नल रेखाभन्दा तल रहेको छ। साथै एमएसिडी रेखा शून्य रेखाभन्दा तल झरेको छ। बैंकको हिस्टोग्राम पनि नकारात्मक क्षेत्रमा रहेको छ। यसले गत साता बैंकको शेयरमूल्य बियरिश प्रवृत्तिमा रहेको संकेत गर्दछ।
बिक्री चाप बढी
गत साता बैंकको स्टकास्टिक आरएसआई ओभरसोल्ड जोनमा झरेको छ। यसले सो साता बैंकको शेयरमा खरिदचापको तुलनामा बिक्रीचाप बढी रहेको संकेत गर्दछ।
वित्तीय अवस्था
चालु आर्थिक वर्षको पहिलो ९ महिनासम्ममा बैंकले ६ अर्ब ७६ करोड ४६ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा ३३.९२ प्रतिशत बढी हो। गत आर्थिक वर्षको सोही अवधिसम्ममा बैंकले ५ अर्ब ५ करोड १४ लाख रुपैयाँ खुद नाफा कमाएको थियो।
खुद ब्याज आम्दानी सामान्य बढेपनि इम्पेरमेन्ट चार्ज घटेका कारण बैंकको खुद नाफा बढ्न पुगेको हो।
समीक्षा अवधिमा बैंकको खुद ब्याज आम्दानी ३.३६ प्रतिशत बढेको छ भने सञ्चालन मुनाफा २६.०९ प्रतिशत बढेको छ। बैंकको इम्पेरमेन्ट चार्ज समीक्षा अवधिमा २२ करोड ९३ लाख रुपैयाँबाट घटेर ४ करोड ७८ लाख रुपैयाँमा सीमित भएको छ।
चैत मसान्तसम्ममा बैंकको वितरणयोग्य मुनाफा ४ अर्ब ३७ करोड ३६ लाख रुपैयाँ रहेको छ।
५ अर्ब रुपैयाँबराबरको अविमोच्य असञ्चिति अग्राधिकार शेयर जारी गरी चुक्ता पूँजी ३२ अर्ब ५ करोड रुपैयाँ पुर्याएको यस बैंकको जगेडा कोषमा ३४ अर्ब ४० करोड रुपैयाँ सञ्चित छ। बैंकले तेस्रो त्रैमासको अन्त्यसम्ममा ५ खर्ब ७८ अर्ब रुपैयाँ निक्षेप संकलन गरी ४ खर्ब ४७ अर्ब रुपैयाँ कर्जा परिचालन गरेको छ।
नाफासँगै बैंकको प्रतिशेयर आम्दानी पनि बढेको छ। समीक्षा अवधिमा बैंकको यस्तो आम्दानी ७ रुपैयाँ ९७ पैसा बढेर ३३ रुपैयाँ २ पैसा पुगेको छ। चैत मसान्तसम्ममा बैंकको प्रतिशेयर नेटवर्थ २४३ रुपैयाँ ३० पैसा रहेको छ। साताको अन्तिम कारोबार मूल्यका आधारमा बैंकको मूल्य आम्दानी अनुपात १५.७५ गुणा रहेको छ भने प्राइस टु बुकभ्यालु रेशियो २.१६ गुणा रहेको छ।
आधारभूत विश्लेषण
नेपाल स्टक एक्सचेञ्ज (नेप्से) मा हाल बैंकको २७ करोड ५ लाख ६९ हजार ९७० कित्ता शेयर सूचीकृत छ। बैंकको १८० दिने औषत मूल्य ५१७ रुपैयाँ ४१ पैसा रहेको छ। त्यसैगरी, बैंकको ५२ हप्ताको उच्च मूल्य ५६३ रुपैयाँ रहेको छ भने न्यून मूल्य ४७१ रुपैयाँ रहेको छ। साताको अन्तिम कारोबार मूल्यका आधारमा बैंकको कुल बजार पूँजीकरण १ खर्ब ४२ अर्ब ४ करोड ९२ लाख ३४ हजार २५० रुपैयाँ रहेको छ।
ब्रोकर ५८ बाट सर्वाधिक खरिद
गत साता ब्रोकर नम्बर ५८ ले बैंकको सबैभन्दा बढी शेयर खरिद गरेको छ। सो ब्रोकरले यस साता बैंकको १७ हजार ६३८ कित्ता शेयर खरिद गरेको छ। त्यसैगरी, यस साता ब्रोकर नम्बर ९२ ले बैंकको १५ हजार ६८७ कित्ता शेयर खरिद गरेको छ। बैंकको शेयर सर्वाधिक बिक्री गर्ने ब्रोकर भने ८ नम्बर रहेको छ। सो ब्रोकरले यस साता बैंकको १४ हजार ५८७ कित्ता शेयर बिक्री गरेको छ।
मूल्य घट्ने डर
फियर एण्ड ग्रीड मिटरमा बैंकको शेयर अहिले न्यूट्रल जोनमा रहेको छ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा तयार पारिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)
