यस साता सो कम्पनीको शेयरमूल्य १६ रुपैयाँ १० पैसा बढेको छ। गत साता २६९ रुपैयाँमा अन्तिम कारोबार भएको यस कम्पनीको शेयर, यस साता २८५ रुपैयाँ १० पैसामा अन्तिम कारोबार भएको छ।
असेन्डिङ्ग च्यानल भित्र तीव्र गतिमा बढ्दै
कम्पनीको शेयरमूल्य पछिल्लो समय एउटा समनान्तर असेन्डिङ्ग च्यानलभित्र निरन्तर हायर हाई बनाउँदै तिव्र गतिमा उकालो लागिरहेको छ। कम्पनीको शेयरमूल्य १० दिने, २५ दिने, ५० दिने र १०० दिने मुभिङ्ग एभरेजहरुभन्दा निकै माथि रहेको छ। मुभिङ्ग एभरेजहरुको यो फराकिलो बुलिश अलाइनमेन्टले बजारमा खरिदकर्ताहरुको बलियो पकड रहेको संकेत गर्दछ।
टेवा क्षेत्र परीक्षण
कम्पनीको शेयरमूल्य ३०० को नजिक पुगेपछि आएको बिक्रीचापका कारण हाल २८० देखि २९० को टेवा क्षेत्र परीक्षणमा रहेको छ। यो क्षेत्र असेन्डिङ्ग च्यानलको तल्लो रेखासँग पनि मेल खाने हुनाले यसले बलियो टेवाको काम गर्ने अपेक्षा गरिएको छ।
एआई सिग्नल
मेरोलगानी एआई चार्टले हालसम्म कम्पनीको शेयरमा ८ पटक बाइ सिग्नल दिइसकेको छ। जसमध्ये ७ सिग्नल सफल भएका थिए भने १ वटामा स्टपलस गर्नु परेको थियो। पछिल्लो समय मेरोलगानी एआई चार्टले कम्पनीको शेयरमा कुनै बाइ सिग्नल दिएको छैन।
बलियो भोल्यूम
यस साता कम्पनीको दैनिक भोल्यूम, २० दिने औषत भोल्यूमभन्दा माथि रहेको छ। कम्पनीको शेयरमूल्य बढ्दो क्रममा रहँदा देखिएको बलियो भोल्यूमले बजारमा उच्च मूल्यमाप नि कारोबार सक्रिय रहेको पुष्टि गर्छ।
बलियो बुलिश मोमेन्टम
यस साता कम्पनीको एमएसिडी रेखा, सिग्नल रेखाभन्दा धेरै माथि रहेको छ। यसका साथै यी दुबै रेखा र हिस्टोग्राम सकारात्मक क्षेत्रमा रहेको छ। यसले कम्पनीको शेयरमल्य समग्र बुलिश मोमेन्टम अझै बलियो रहेको संकेत गर्दछ।
खरिदचाप बढी
साताको अन्तिम कारोबार दिन कम्पनीको स्टकास्टिक आरएसआई ओभरबट जोनमा रहेको छ। यसले बजारमा कम्पनीको शेयरमा बिक्री चापको तुलनामा खरिदचाप बलियो रहेको संकेत गर्दछ।
वित्तीय अवस्था
गत आर्थिक वर्षको अन्त्यसम्ममा कम्पनीले विद्युत बिक्रीमार्फत १३ करोड ६९ लाख रुपैयाँ आम्दानी गरेको छ। अघिल्लो आर्थिक वर्षको सोही अवधिसम्ममा कम्पनीले १२ करोड ३८ लाख रुपैयाँ यस्तो आम्दानी गरेको थियो।
विद्युत बिक्री आम्दानी बढेपनि कम्पनीको नोक्सानी पनि बढेको छ। अघिल्लो आर्थिक वर्षको अन्त्यसम्ममा १ करोड ८७ लाख रुपैयाँ नोक्सानीमा रहेको यस कम्पनी, गत आर्थिक वर्षको अन्त्यस्म्ममा २ करोड १३ लाख रुपैयाँ नोक्सानीमा रहेको छ।
कम्पनीको ब्याज आम्दानी घटेको र बिक्री खर्च बढेका कारण खुद नोक्सानी बढ्न पुगेको हो।
समीक्षा अवधिमा कम्पनीको ब्याज आम्दानी ३ करोड १२ लाख रुपैयाँबाट घटेर २१ लाख ९१ हजार रुपैयाँमा सीमित भएको छ। त्यस्तै, कम्पनीको बिक्री आम्दानी २ करोड ३२ लाख रुपैयाँबाट बढेर २ करोड ८७ लाख रुपैयाँ पुगेको छ।
१ अर्ब ६५ करोड रुपैयाँ चुक्ता पूँजी रहेको यस कम्पनीको जगेडा कोष भने २६ करोड ३१ लाख ६८ हजार रुपैयाँ ऋणात्मक रहेको छ।
गत असार मसान्तसम्ममा कम्पनीको प्रतिशेयर आम्दानी १ रुपैयाँ ३३ पैसा ऋणात्मक रहेको छ भने प्रतिशेयर नेटवर्थ ९५ रुपैयाँ ५ पैसा रहेको छ। यस साताको अन्तिम कारोबार मूल्य आधारमा कम्पनीको प्राइस टु बुकभ्यालु रेशियो ३ गुणा रहेको छ।
आधारभूत विश्लेषण
हाल नेप्सेमा कम्पनीको १ करोड ६५ लाख कित्ता शेयर सूचीकृत छ। साताको अन्तिम कारोबार मूल्यका आधारमा कम्पनीको कुल बजार पूँजीकरण ४ अर्ब ७० करोड ४१ लाख ५० हजार रुपैयाँ रहेको छ। कम्पनीको १८० दिने औषत मूल्य २३७ रुपैयाँ १३ पैसा रहेको छ। त्यसैगरी, कम्पनीको ५२ हप्ताको उच्च मूल्य ३०१ रुपैयाँ रहेको छ भने न्यून मूल्य १९७ रुपैयाँ १० पैसा रहेको छ।
कम्पनीले घलेम्दी खोला जलविद्युत आयोजना ५ मेगावाट निर्माण सम्पन्न गरी २०७६ फागुन ५ गतेदेखि व्यापारिक उत्पादन सुरु गरेको थियो।
ब्रोकर ५८ बाट सर्वाधिक खरिदबिक्री
यस साता ब्रोकर नम्बर ५८ ले कम्पनीको सबैभन्दा शेयर खरिद गरेको छ। सो ब्रोकरले यस साता कम्पनीको १० लाख ४० हजार ९७२ कित्ता शेयर खरिद गरेको हो। त्यस्तै, यस साता ब्रोकर नम्बर ६४ ले करिब साढे २ लाख र ६२ ले कम्पनीको २ लाख कित्ताभन्दा बढी शेयर खरिद गरेको छ। यस साता ब्रोकर नम्बर ५८ ले नै कम्पनीको सबैभन्दा बढी शेयर बिक्री गरेको छ। सो ब्रोकरले यस साता कम्पनीको ६ लाख ५६ हजार ९३८ कित्ता शेयर बिक्री गरेको हो।
मूल्य बढ्ने अपेक्षा
यस साता फियर एण्ड ग्रीड मिटरमा कम्पनीको शेयर ग्रीड जोनमा रहेको छ। यसले लगानीकर्ताहरु कम्पनीको शेयरमूल्य बढ्छ भन्ने अपेक्षामा रहेको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)
