विभागले प्रकाशित सूचनाअनुसार प्रसाद सिंह देउवाका नाति तथा शेरबहादुर देउवाका छोरा जयविर सिंह देउवा (उमेर करिब ३१ वर्ष), स्थायी ठेगाना डडेलधुरा जिल्ला, साविक असिग्राम गाविस–५ तथा हाल काठमाडौंको बूढानीलकण्ठ नगरपालिका–२ निवासीलाई अनुसन्धानका सिलसिलामा केही कुरा बुझ्नुपर्ने भएकाले हाजिर हुन भनिएको हो।
सूचनामा सम्पत्ति शुद्धीकरण (मनी लाउन्डरिङ) निवारण ऐन, २०६४ को दफा ४१ बमोजिम सूचना प्रकाशित भएको मितिबाट बाटोको म्याद बाहेक सात दिनभित्र ललितपुरको पुल्चोकस्थित कर्मचारी सञ्चय कोषको केन्द्रीय कार्यालयको ‘बी’ ब्लकमा रहेको विभागको कार्यालयमा उपस्थित हुन निर्देशन दिइएको छ।
विभागले तोकिएको म्यादभित्र उपस्थित नभए प्रचलित कानूनबमोजिम कारबाही प्रक्रिया अघि बढाइने जनाएको छ। उक्त सूचना २०८३ साल असार २३ गते प्रकाशित गरिएको हो।
