एकीकृत कारोबार सुरु भएसँगै यी दुई फाइनान्सको शेयर कारोबार नेपाल स्टक एक्सचेञ्ज (नेप्से) ले रोक्का गरेको छ। नेप्सेले असार २५ गते एक सूचना जारी गर्दै दुवै फाइनान्सको शेयर कारोबार रोक्का गरिएको जनाएको हो।
धितोपत्र दर्ता गराएका संगठित संस्था एक आपसमा गाभ्ने/गाभिने तथा प्राप्ति सम्बन्धी निर्देशिका, २०७९ को दफा ९(३) बमोजिम असार २६ गतेदेखि लागू हुने गरी दुवै फाइनान्सको शेयर कारोबार रोक्का राख्ने निर्णय भएको नेप्सेको विज्ञप्तिमा उल्लेख छ।
