नाडा अटोमोबाइल्स एसोशिएसनले सरकारको कमद स्वागतयोग्य र सकारात्मक रहेको प्रतिक्रिया दिएको छ ।
‘सरकारको यो निर्णयलाई सकारात्मक रुपमा नै लिएका छौं,’ नाडाका महासचिव मिलनबाबु मल्लले मेरो लगानीसँग भने । उनका अनुसार, हालका लागि २५ सिटभन्दा माथिका विद्युतीय सवारीका हकमा ८० प्रतिशत कर्जाको सीमा तोकिनु स्वागतयोग्य नै छ । नाडाले विगतदेखि नै सबै क्षमताका विद्युतीय सवारीको कर्जाको सीमा ८० प्रतिशत हुनुपर्ने नै माग गर्दै आएको उनले बताए ।
‘हामीले त सबै विद्युतीय गाडीका लागि कर्जाको सीमा ८० प्रतिशत हुनुपर्छ भनेर माग गर्दै आएका हौं । तथापी पनि सरकारले सार्वजनिक यातायातमा प्रयोग हुने ठूला इभी गाडीका लागि न्यायोचित निर्णय गरेको छ,’ उनले भने।
यसअघि ठूला विद्युतीय सवारीको कर्जाको सीमा ६० प्रतिशत थियो । वर्तमान सरकारका अर्थमन्त्री स्वर्णिम वाग्लले बजेटमार्फत सार्वजनिक यातायातमा प्रयोग हुने ठूला विद्युतीय सवारी कर्जाको मूल्य अनुपात समायोजन गर्ने घोषणा गरेअनुसार नेपाल राष्ट्र बैंकले कर्जाको मूल्य अनुपात ८० प्रतिशत पुर्याएको जनाएको छ ।
