चुरे तथा वन जंगल संरक्षण अभियानले राष्ट्रिय स्वतन्त्र पार्टी (रास्वपा) को केन्द्रीय कार्यालय अगाडि प्रदर्शन गरेको हो। महोत्तरी डिभिजन वन कार्यालयका सातजना कर्मचारीलाई ६–७ घण्टासम्म बन्धक बनाएको र उनीहरू सवार गाडीमा आगो लगाएको घटनाको विरोधमा अभियानले आवाज उठाएको हो।
प्रदर्शनकारीले वन र चुरे क्षेत्रको संरक्षणमा खटिएका कर्मचारीमाथि भएको यस्तो साङ्घातिक आक्रमणको घोर भत्र्सना गरे। उनीहरूले शान्ति सुरक्षाको प्रत्याभूति गर्न र अपराधीलाई कानुनी दायरामा ल्याउन सरकारको ध्यानाकर्षण गराए।
महोत्तरीको कालापानी क्षेत्रमा वन अतिक्रमण वा अन्य गैरकानुनी गतिविधि रोक्न गएका कर्मचारीलाई एक समूहले नियन्त्रणमा लिएर दुर्व्यवहार गर्नुका साथै सरकारी सम्पत्तिमा क्षति पु-याएको थियो। सोही घटनाका दोषी अझै पक्राउ नपरेको भन्दै अभियानले रास्वपा कार्यालय अगाडि धर्ना र प्रदर्शन गरेको हो।
दोषीलाई कारबाही नभएसम्म र वन कर्मचारीको सुरक्षा सुनिश्चित नगरेसम्म आन्दोलन जारी राख्ने चेतावनी समेत अभियानले दिएको छ।
