यस लघुवित्तको शेयरमूल्य गत साता ११ रुपैयाँ बढेको छ। अघिल्लो साता ७७० रुपैयाँमा अन्तिम कारोबार भएको यस लघुवित्तको शेयरमूल्य गत साता बढेर ७८१ रुपैयाँमा अन्तिम कारोबार भएको छ।
टेक्निकल रिबाउण्ड
पछिल्लो केही महिनादेखि घट्दो रेखा भित्र कारोबार भइरहेको यस लघुवित्तको शेयरमूल्यमा गत साता आकर्षक टेक्निकल रिबाउण्ड देखिएको छ। पछिल्ला केही महिनादेखि डाउनट्रेण्ड माइनर च्यानल भित्र काराबोर भइरहेको यस लघुवित्तको शेयरमूल्यले गत साता ७३५ देखि ७६५ को क्षेत्रमा बलियो टेवा पाएर उक्लिएको छ। लामो समयदेखि मन्दी तथा कन्सोलिडेसनपछि कम्पनीको शेयरमूल्य सो क्षेत्रबाट धेरै भोल्यूमसहित माथितिर मोडिएको हो।
ट्रेण्ड ब्रेकआउट पुष्टि हुन बाँकी
गत साता लघुवित्तको शेयरमूल्यले छोटो अवधिको दुब मुभिङ्ग एभरेजलाई पार गरेको छ। अबको मूख्य चुनौती ७८७ देखि ७९६ को क्षेत्रमा रहेको छ जहाँ ५० र १०० दिने एभरेजहरुसँग घट्दो ट्रेण्डलाइन ठोकिन्छन्। आगामी दिनमा लघुवित्तको शेयरमूल्य ७९७ भन्दा माथि बन्द हुन सकेमा ट्रेण्ड ब्रेकआउटको पुष्टि हुनेछ।
‘स्मार्ट मनि’ को प्रवेश
साताको अन्तिम कारोबार दिन लघुवित्तको भोल्यूम उच्च बढेको छ। सो दिन लघुवित्तको दैनिक भोल्यूमले २० दिने मुभिङ्ग एभरेजभन्दा ४ गुणा बढीको शेयर कारोबार भएको हो। लामो गिरावटपछि यसरी ठूलो भोल्यूमसहित मूल्य बढ्नुले बजारमा ‘स्मार्ट मनी’ वा संस्थागत लगानीकर्ताहरुको प्रवेश भएको संकेत गर्दछ।
बुलिश क्रशओभर
साताको अन्तिम कारोबार दिन लघुवित्तको शेयरमूलयले एमएसिढीमा बुलिश क्रशओभर बनाएको छ। सो दिन लघुवित्तको एमएसिडी रेखाले सिग्नल रेखालाई तलबाट काटेर माथि लागेसँगै यस्तो क्रशओभर बनेको हो। त्यस्तै, लघुवित्तको हिस्टोग्राम पनि सकारात्मक बनेको छ। यसले आगामी दिनमा लघुवित्तको शेयरमूल्य बढ्ने संकेत गर्दछ।
खरिदबिक्री चाप सन्तुलनमा
यस साता स्टकास्टिक आरएसआईमा लघुवित्तको शेयरमूल्य न्यूट्रल जोनमा रहेको छ। यसले बजारमा लघुवित्तको शेयर खरिदबिक्री चाप सन्तुलनमा रहेको संकेत गर्दछ।
वित्तीय अवस्था
चौथो त्रैमासको अन्त्यसम्ममा लघुवित्तले १९ करोड ७ लाख रुपैयाँ खुद नाफा आर्जन गरेको छ। यो अघिल्लो आर्थिक वर्षको सोही अवधिको (१० करोड ९८ लाख रुपैयाँ) तुलनामा ७३.६४ प्रतिशतको वृद्धि हो।
खुद ब्याज आम्दानीः अघिल्लो वर्ष २१ करोड १६ लाख रुपैयाँ रहेकोमा गत वर्ष ७.४७ प्रतिशतले वृद्धि भई २२ करोड ७४ लाख पुगेको छ।
सञ्चालन नाफाः लघुवित्तको सञ्चालन नाफा १५ करोड ७६ लाखबाट वृद्धि भई २७ करोड २७ लाख पुगेको छ।
नाफामा आएको यो उछालको मुख्य कारण लघुवित्तले खराब कर्जा फिर्ता गराउन सक्नु र ब्याज खर्चलाई नियन्त्रणमा राख्नु हो।
लाभांश क्षमतामा वृद्धिः लघुवित्तको नाफामा भएको वृद्धिले शेयरधनीहरूको लाभांश पाउने क्षमतामा पनि प्रत्यक्ष सुधार ल्याएको छ। असार मसान्तसम्म लघुवित्तको कुल वितरणयोग्य नाफा १३ करोड ६१ लाख रुपैयाँ पुगेको छ, जुन अघिल्लो वर्षको ९ करोड ३ लाख रुपैयाँको तुलनामा ५०.७६ प्रतिशत बढी हो। यस आधारमा लघुवित्तको वार्षिक प्रति शेयर वितरणयोग्य आम्दानी १० रुपैयाँ १३ पैसा पुगेको छ।
खराब कर्जामा नियन्त्रणः लघुवित्त क्षेत्रकै लागि सबैभन्दा ठूलो टाउको दुखाइ बनेको निष्क्रिय कर्जालाई लघुवित्तले उल्लेख्य रूपमा घटाएको छ। अघिल्लो वर्ष ३.८४ प्रतिशत रहेको खराब कर्जा गत वर्ष घट्दै २.८८ प्रतिशतमा झरेको छ।
स्रोतको लागतमा कमीः लघुवित्तले आफ्नो ब्याज खर्च व्यवस्थापनमा राम्रो प्रगति गरेको छ। अघिल्लो वर्ष ६.२२ प्रतिशत रहेको ‘कस्ट अफ फन्ड्स’, गत वर्ष घटेर ४.७५ प्रतिशतमा ओर्लिएको छ। यसैगरी आधार दर पनि ७.५६ प्रतिशतबाट घटेर ६.४१ प्रतिशत कायम भएको छ।
नाफासँगै लघुवित्तको प्रतिशेयर आम्दानी पनि बढेको छ। समीक्षा अवधिमा लघुवित्तको यस्तो आम्दानी ६ रुपैयँ १ पैसा बढेर १४ रुपैयाँ १८ पैसा पुगेको छ। गत असार मसान्तसम्ममा लघुवित्तको बुकभ्यालु १३७ रुपैयाँ २६ पैसा रहेको छ। साताको अन्तिम कारोबार दिनको आधारमा लघुवित्तको मूल्य आम्दानी अनुपात ५५.०८ गुणा रहेको छ भने प्राइस टु बुकभ्यालु रेशियो ५.६९ गुणा रहेको छ।
आधारभूत विश्लेषण
नेपाल स्टक एक्सचेञ्ज (नेप्से) मा हाल लघुवित्तको १ करोड ३४ लाख ४८ हजार ७१३.२३ कित्ता शेयर सूचीकृत छ। लघुवित्तको १८० दिने औषत मूल्य ७९८ रुपैयाँ ९ पैसा रहेको छ। त्यसैगरी, लघुवित्तको ५२ हप्ताको उच्च मूल्य ९८२ रुपैयाँ रहेको छ भने न्यून मूल्य ७३० रुपैयाँ रहेको छ। साताको अन्तिम कारोबार मूल्यका आधारमा लघुवित्तको कुल बजार पूँजीकरण १० अर्ब ५० करोड ३४ लाख ४५ हजार ३२ रुपैयाँ ६३ पैसा रहेको छ।
ब्रोकर नम्बर ५८ बाट सर्वाधिक खरिद
गत साता ब्रोकर नम्बर ५८ बाट लघुवित्तको शेयर सबैभन्दा बढी खरिद भएको छ। सो ब्रोकरले गत साता लघुवित्तको १७ हजार २६५ कित्ता शेयर खरिद गरेको छ। त्यसैगरी, यस साता ब्रोकर नम्बर ६ र ४२ ले लघुवित्तको साढे ५ हजारभन्दा बढी कित्ता शेयर खरिद गरेको छ।
यस साता ब्रोकर नम्बर ४५ ले लघुवित्तको सबैभन्दा बढी बिक्री गरेको छ। सो ब्रोकरले लघुवित्तको ९ हजार ५२८ कित्ता शेयर बिक्री गरेको छ। त्यस्तै, ब्रोकर नम्बर ५८ ले लघुवित्तको ६ हजार ९६ कित्ता शेयर बिक्री गरेको छ।
मूल्य घट्ने डर
फियर एण्ड ग्रीड मिटरमा लघुवित्तको शेयर अहिले फियर जोनमा रहेको छ। यद्यपि, यो गत साता र अघिल्लो कारोबार दिनको तुलनामा माथि हो। यसले लगानीकर्ताहरुमा लघुवित्तको शेयरमूल्य घट्ने डर भएपनि अघिल्ला दिनहरुको तुलनामा सो डर सामान्य घटेको संकेत गर्दछ।
(प्राविधिक विश्लेषणमा प्रयोग गरिएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग गरिएका चित्रहरु मेरोलगानी डाटा एनालाइटिक्सबाट लिइएको हो।)
(उपलब्ध तथ्यांकको आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)
