पाँच सहकारीका ऋणीलाई मुद्दति निक्षेपबाटै कर्जा मिलान गर्न आह्वान

Aug 18, 2026 04:15 PM Merolagani



बागमती प्रदेश सरकारको आन्तरिक मामिला, कानून तथा सहकारी मन्त्रालय अन्तर्गतको समस्याग्रस्त सहकारी व्यवस्थापन समितिको कार्यालयले विभिन्न पाँचवटा समस्याग्रस्त सहकारीका ऋणीहरूका लागि मुद्दति निक्षेप धितो कर्जाको हिसाब मिलान गर्न सार्वजनिक सूचना जारी गरेको छ।

सहकारीहरूबाट मुद्दति निक्षेप धितो राखी ऋण लिएका तर हालसम्म चुक्ता गर्न बाँकी रहेका ऋणीहरूलाई लक्षित गर्दै समितिले यो अवसर प्रदान गरेको हो। समितिको निर्णय अनुसार ऋणीहरूले आफूले लिएको ऋण रकमको हिसाब गर्दा आफ्नो मुद्दति निक्षेपमा रहेको बचत रकमभन्दा नबढ्ने गरी सोही बचतबाटै ऋणको हिसाब मिलान गर्न सक्नेछन्। यस व्यवस्थाले सहकारी संकटका कारण समस्यामा परेका बचतकर्ता तथा ऋणीहरूलाई आफ्नो दायित्व राफसाफ गर्न सहज हुनेछ।

यस सुविधाबाट लाभान्वित हुने सहकारीहरूमा सिभिल बचत तथा ऋण सहकारी संस्था लिमिटेड, दर्शन बचत तथा ऋण सहकारी संस्था लिमिटेड, सुमेरु बचत तथा ऋण सहकारी संस्था लिमिटेड, लालिगुराँस बचत तथा ऋण सहकारी संस्था लिमिटेड र नेशनल नमोबुद्ध बचत तथा ऋण सहकारी संस्था लिमिटेड रहेका छन्। यी पाँचवटै संस्थाका ऋणीहरूले आफ्नो मुद्दति निक्षेपको सीमाभित्र रहेर ऋण मिलानका लागि आवश्यक प्रक्रिया अघि बढाउन सक्नेछन्।





पूँजीबजार र अर्थतन्त्र सुधार्ने ‘अध्यादेश’: ५० प्रतिशत प्रगति भएका हाइड्रोलाई आईपीओ, ३० दिनमा हकप्रद र कर परीक्षण हदम्याद २ वर्ष

Nov 15, 2026 06:06 AM

सरकारले पूँजीबजार, लगानी प्रवर्द्धन, कर प्रशासन र पूर्वाधार विकासमा देखिएको कानुनी तथा प्रक्रियागत जटिलता अन्त्य गर्न एकैपटक ५९ वटा ऐन संशोधन गर्ने गरी बृहत् अध्यादेशको प्रारम्भिक मस्यौदा तयार पारेको छ।