ज्यान गुमाउनेहरूप्रति श्रद्धाञ्जली अर्पण गर्दै उनले शोकाकुल परिवार, प्रभावित नागरिक, नेपाल सरकार र नेपाली जनताप्रति हार्दिक समवेदना व्यक्त गरेका छन्। कठिन परिस्थितिमा चीन नेपालको साथमा दृढताका साथ उभिएको उनको भनाइ छ।
चीनतर्फ पनि ठूलो क्षति भए तापनि नेपालका लागि आपत्कालीन राहत सामग्री र नगद सहयोग उपलब्ध गराउन तत्काल समन्वय गरिएको राजदूत माओमिङले बताएका छन्। आगामी दिनमा पनि नेपाललाई थप सहयोग गर्न चीनले हरसम्भव प्रयास गर्ने प्रतिबद्धता जनाएको छ।
