सिंहदरबारस्थित अर्थ मन्त्रालयको सुवर्ण हलमा स्थानीय विकास साझेदारहरूको बैठक बसेकाे हो। उक्त बैठकमा प्रमुख दातृ निकायका २० भन्दा बढी मिसन प्रमुख तथा कन्ट्री डाइरेक्टर (देश निर्देशक) हरूको सहभागिता रहेको छ ।
बैठकमा विशेष गरी रसुवामा आएको बाढी र त्यसपछिको अवस्थाबारे केन्द्रित रहेर छलफल भइरहेको छ । विपद्पछि चलाइएको खोज तथा उद्धार कार्य, प्रारम्भिक पुनरुत्थान, द्रुत विपद् आवश्यकता आकलन (Post-Disaster Needs Assessment) र भौतिक तथा आर्थिक क्षति मूल्यांकनका विषयमा सरोकारवालाहरूबीच विस्तृत समीक्षा हुने छ।
बाढी प्रभावित क्षेत्रको दीर्घकालीन पुनर्निर्माण र पुनरुत्थानका लागि आवश्यक वित्तीय तथा प्राविधिक सहयोग जुटाउन विकास साझेदारहरूसँग समन्वय गर्ने उद्देश्यले यो बैठक आयोजना गरिएको मन्त्रालयले जनाएको छ ।
