पक्राउ पर्नेमा भक्तपुर जिल्ला, साविक झौखेल गा.वि.स. वडा नं. ३ (हाल चाँगुनारायण नगरपालिका वडा नं. ३) बस्ने दिपक चन्द्र न्यौपाने हुन। राधा पाण्डेयको जाहेरीले वादी नेपाल सरकार र प्रतिवादी दिपक चन्द्र न्यौपाने रहेको बैंकिङ्ग कसुर मुद्दामा (मुद्दा नं. ०८०–८१–०११२) झापा जिल्ला अदालतको मिति २०८१ वैशाख ७ गतेको फैसलाले उनलाई चार करोड रुपैयाँ बिगो, बिगो बमोजिमको जरिवाना र एक महिना १५ दिन कैदको सजाय सुनाएको थियो।
अदालतको फैसलापछि सजाय बेरुजू राखी फरार रहँदै काठमाडौँ उपत्यकाका विभिन्न स्थानमा लुकिछिपी बस्दै आएको भन्ने गोप्य सूचनाका आधारमा केन्द्रीय अनुसन्धान ब्यूरोबाट खटिएको प्रहरी टोलीले उनलाई पक्राउ गरेको हो। प्रहरी टोलीले उनलाई मिति २०८३ असोज २२ गते भक्तपुर जिल्ला, भक्तपुर नगरपालिका वडा नं. १ सृजनाटोलबाट नियन्त्रणमा लिएको हो। पक्राउ परेका न्यौपानेलाई फैसला कार्यान्वयनका लागि भक्तपुर जिल्ला अदालतमा पेश गरिएको छ ।
