राष्ट्रिय बीमा कम्पनीले गत बैशाखमा तीन आर्थिक बर्षको वितरण गरेको करिब ११५ प्रतिशत बोनस बराबरको १४ लाख २१ हजार ९९५ दशमलव ५९ कित्ता बोनस सूचीकृत गराएको हो ।
बोनसपछि बीमा कम्पनीको चुक्ता पूँजी २६ करोड ६६ लाख ३९ हजार रुपैयाँ पुगेको छ ।
लामो समय लेखापरिक्षण गर्न नसकेको कम्पनीले आर्थिक वर्ष २०६३/०६४ र २०६४/०६५ तथा २०६५/०६६ सम्मको लेखा परीक्षण सकिएर बीमा समितिबाट स्वीकृत भैसकेको र थप २ आर्थिक वर्षहरु २०६६/०६७ र २०६७/०६८ सम्मको लेखापरीक्षण भैरहेको कम्पनीले जनाएकाे छ ।
बीमा कम्पनीले संस्थापक र सर्वसाधारणको हिस्सा ७० अनुपात ३० कायम गर्नका लागि थप नयाँ सेयर (एफपीओ) समेत निष्काशन गर्ने तयारी समेत थालेकाे छ ।
उता फर्स्ट माइक्रोफाइनान्स लघुवित्तले गत आर्थिक बर्ष २०७३/७४ को नाफाबाटवितरण गरेकाे १५ प्रतिशत बराबरको पाँच लाख ९५ हजार १२५ कित्ता बोनस सेयर सूचीकृत गराएको हो । लघुवित्तको असोज ८ गते सम्पन्न आठौं बार्षिक साधारण सभाले सो बोनस पारित गरेको थियो ।
साधारण सभाले बोनसपछि कायम भएको लघुवित्तको पूँजी ६८ करोड ४३ लाख ९३ हजार रुपैयाँको ५० प्रतिशत हकप्रद सेयर जारी गर्ने प्रस्ताव समेत अनुमोदन गरेको थियो ।
