एनआईबिएल एस क्यापिटलको ३ शाखा विस्तार,डिम्याट खाता डेढ लाख नाघ्यो

Apr 03, 2018 Merolagani



एनआईबिएल एस क्यापिटल (NIBLAceCapital) ले एकैसाथ वीरगञ्ज, बुटवल र विराटनगरमा ३ नयाँ शाखा विस्तार गरेको छ । ग्राहकहरुको विश्वास र व्यापकतालाई मध्येनजर गर्दै कम्पनीले भविष्यमा अन्य प्रमुख शहरहरुमा समेत शाखा विस्तार गर्दै जान बताएको छ ।

एनआईबिएल एस क्यापिटलले विस्तारित शाखाबाट समेत निष्काशन तथा बिक्री प्रबन्ध, शेयर रजिष्ट्रेशन, धितोपत्र प्रत्याभूती, लगानी व्यवस्थापन,निक्षेप सदस्य र सामुहिक लगानी कोष अन्तर्गतका सेवाहरु थप व्यवस्थित हुने विश्वास लिएको छ ।

कम्पनीले एक लाख ५० हजार भन्दा बढी हितग्राही खाता सञ्चालन गर्दै आइरहेको छ भने बिभिन्न बैंक-वित्तीय संस्था, बीमा कम्पनी, जलविद्युत कम्पनी तथा होटल गरी जम्मा ३७ वटा कम्पनीहरुको शेयर रजिष्ट्रेशन सम्बन्धी कार्य गर्दै आइरहेको छ ।

यसअघि नेपाल इन्भेष्टमेन्ट बैकका सबै शाखाहरु लगायत यस कम्पनीको लालदरवार काठमाडौं, लगनखेल ललितपुर, चिप्लेढुङ्गा पोखरा शाखाबाट सेवा उपलव्ध गराउँदै आइरहेको थियो ।

नेपाल इन्भेष्टमेन्ट बैंक लिमिटेडको पूर्ण स्वामित्वको सहायक कम्पनी रुपमा स्थापित भएको एनआईबिएल एस क्यापिटलले अग्रणी कम्पनीको रुपमा मर्चेन्ट बैंकिङ्ग सेवाहरु प्रदान गर्दै आइरहेको छ ।




भारत जाने विमानमा फेरि सर्प

Jun 30, 2025 12:48 PM

मुम्बईका भारतीय भन्सार अधिकारीहरूले थाइल्यान्डबाट आएका एक विमान यात्रुलाई जीवित सर्पहरूसहित साथ रोकेको बताएका छन् । यो महिनाको तेस्रो यस्तो जफत हो ।