स्रोतका अनुसार देव विकास बैंकले एक बराबर एक शेयर दिएर वेस्टर्नलाई खरिद गर्न लागेको हो। दुई विकास बैंक एक भएपछि नयाँ बन्ने बैंकको पूँजी तीन अर्ब पुग्ने बताइएको छ ।
केही समय अगाडि ४० प्रतिशत हकप्रद बिक्री गरेर देवले २ अर्ब २८ करोड चुक्ता पूँजी कायम गरेको छ । गतबर्षको कमाईबाट २४ करोड ७० लाखको बराबर अर्थात १७.१ प्रतिशत बोनस सेयर प्रस्ताव गरेको बैंकको बोनसपश्चात चुक्ता पूँजी दुई अर्ब ५३ करोड पुग्नेछ । बैंकले प्रस्तावित बोनस आजै सम्पन्न ११ औं बार्षिक साधारणले पारित गरेको छ ।
नमस्ते फाईनान्स वित्तीय संस्थासँग मर्जर भएको वेष्टर्नले गतबर्षको कमाइबाट १७.४१ प्रतिशत बोनस पारित गरेको थियो । बोनस पश्चात बैंकको चुक्ता पूँजी ५० करोड ४० लाख रुपैयाँ पुगेको छ ।
दुई बैंक एकिकृत भएपछि नयाँ बन्ने बैंकको चुक्तापूँजी तीन अर्ब नाघ्नेछ । जुन विकास बैंकहरुमध्येमा सबैभन्दा बढी हुन्छ ।