समिक्षा अवधिमा बैंकले निक्षेप संकलन ४६ तथा कर्जा परिचालन ४५ प्रतिशतले बढाएको छ ।
अघिल्लो आवमा १४ अर्ब ५१ करोड निक्षेप संकलन गरेको बैंकले गत आवमा २१ अर्ब २२ करोड पुर्याएको छ । त्यसैगरि १२ अर्ब ९९ करोडको कर्जा लगानी १८ अर्ब ८५ करोड पुगेको छ । बैंकको खुद ब्याज आम्दानी २५ करोड बढेर एक अर्ब पुगेको छ ।
तीन गुणा बढेको खराब कर्जाको प्रोभिजन, ३७ प्रतिशतको कर्मचारी खर्च तथा २७ प्रतिशत बढी बढेको अन्य सञ्चालन खर्चका बाबजुत बैंकले ६६ करोड ८७ लाख सञ्चालन नाफा गरेको छ ।
बैंकको प्रोभिजन ३ करोड ९ लाखबाट बढेर ९ करोड ६२ लाख, कर्मचारी खर्च १६ करोड ७० लाखबाट २२ करोड ८८ लाख तथा १५ करोड ५१ लाखको अन्य सञ्चालन खर्च १९ करोड ७६ लाखमा पुगेको छ ।
एक बर्ष अवधिमा बैंकको चुक्ता पूँजी १५ प्रतिशत बढेर दुई अर्ब ५३ करोड ४८ लाख पुगेको छ । बैंकले व्यवसाय विस्तारसँगै नाफा बढाउँदा अघिल्लो बर्ष रहेको १५ रुपैयाँ ५५ पैसाको प्रतिसेयर आम्दानी १७ रुपैयाँ २७ पैसामा पुगेको छ ।
बैंकको निष्कृय कर्जा ०.२७ प्रतिशत, पूँजीकोष अनुपात १९.३३ प्रतिशत, प्रतिसेयर नेटवर्थ १२८ रुपैयाँ ६९ पैसा र मूल्य आम्दानी अनुपात १०.५४ गुणा बढी रहेको छ ।
मेरोलगानीको डाटा एनालिटिक्सले गरिमा विकास बैंकले ४६ करोड रुपैंया खुद नाफा कमाउने फोरकाष्ट गरेको थियो ।
