मुक्तिनाथको खुद नाफा सिभिल र सेन्चुरी जस्ता वाणिज्य बैंककै हाराहारीमा आएर दुबै बैंकलाई चुनौती दिन थालेको छ ।
एनएफआरएस प्रतिवेदन अनुसार बैंकले खुद नाफा ३६.९८ प्रतिशतले वृद्धि गर्दै ८५ करोड ३२ लाख १ हजार आर्जन गरेको छ। अघिल्लो वर्ष बैंकले ६२ करोड २८ लाख २१ हजार रुपैयाँ नाफा कमाएको थियो।
बैंकको वितरण योग्य नाफा ५८ करोड ६९ लाख ९२ हजार रुपैयाँ छ। बैंकको खुद ब्याज आम्दानी देखिएको ४६.०७ वृद्धि र कस्ट अफ फण्ड घट्दा मुनाफा वृद्धिमा सहयोग पुगेको हो। १८.२५ प्रतिशत बोनस बाँडेर पूँजी वृद्धि गरेको बैंकको मुनाफा बढ्दा प्रतिशेयर आम्दानी ७ रुपैयाँ ५२ पैसाले बढेर २७ रुपैयाँ ८४ पैसा पुगेको छ। १४६ रुपैयाँ प्रतिशेयर नेटवर्थ रहेको मुक्तिनाथको प्रति शेयर आम्दानी २७ रुपैयाँ र मूल्य आम्दानी अनुपात १३ गुणा छ।
मुक्तिनाथको निस्क्रिय कर्जा अनुपात अघिल्लो वर्ष भन्दा बढे पनि गत वर्ष ०.०७ प्रतिशतमा रहेर विकास बैंक मध्येमा सबैभन्दा तल छ भने निक्षेप २७ अर्बबाट ४१ अर्ब र कर्जा २५ अर्बबाट ३७ अर्ब पुगेको छ।
चुक्ता पूँजी बढाएर दुई अर्ब ५९ करोड नघाएको बैंकले शेयरधनी कोषमा ६२ र जगेडा कोषमा ४२ करोड राखेको छ।
