भदौमा नबिल इक्वीटी फण्डको प्रति इकाई खुद सम्पत्तिको मूल्य ८ रुपैयाँ ७१ पैसा पुगेकोे छ । साउनमा प्रति इकाई खुद सम्पत्तिको मूल्य ८ रुपैयाँ ५७ पैसा थियो । साउनको तुलनामा भदौमा १५ पैसाले वृद्धि भएको हो ।
फण्डको प्रति इकाई खुद सम्पत्तिको मूल्य दश रुपैयाँ तल छ । अझै पनि फण्डको इकाईका लगानीकर्ता एक रुपैयाँ २९ पैसा नोक्सानमा छन् ।
फण्डले भदौ महिनासम्ममा सूचीकृत ५४ कम्पनीमा ६६ करोड ८९ लाख ६८ हजार ५८८ रुपैयाँ लगानी गरेको छ । साथै फण्डले भदौमा सूचीकृत ऋणपत्रमा ८ करोड ६३ लाख ८८ हजार ८३९ रुपैयाँ लगानी गरेको छ ।
त्यसैगरि सूचीकृत हुन बाँकि रहेका कम्पनीको शेयरमा एक करोड ६८ लाख ८२ हजार १६४ रुपैयाँ लगानी गरेको छ भने मुद्धती निक्षेपमा १२ करोड ५० लाख रुपैयाँ रहेको छ ।
भदौसम्म फण्डको खुद सम्पत्ति एक अर्ब ८ करोड ८१ लाख ९१ हजार ५९२ रुपैयाँ रहेको छ । बैंक मौज्दातमा १८ करोड २६ लाख ५ हजार १७ रुपैयाँ छ । फण्डले ९८ लाख ८१ हजार २३१ रुपैयाँ आम्दानी गर्दा ४१ लाख ७१ हजार ७९२ रुपैयाँ खर्च गरेको छ ।
