आइतबार राजधानीमा नेपाल वित्तीय संस्थाका कर्मचारी संघले आयोजना गरेको सामाजिक संवाद नामक अन्तरक्रिया कार्यक्रममा गर्भनर नेपालले वित्तीय पहुँच बाहिर रहेका ६० प्रतिशत जनसंख्यावाट निक्षेप संकलन गरी लगानी गर्न बैंकरलाई सुझाव दिए ।
कार्यक्रममा उनले भने, ‘हाल ६८२ स्थानीय निकायमा बैंकिङ्क पहुँच पुगी सकेका छन् । त्यहाँवाट निक्षेप संकलन गरी कर्जा लगानी गर्न सकिन्छ । बैंकहरुले निक्षेपकर्ता सर्वसाधारणलाई विश्वासमा लिएर बचत गर्ने वातावरण बनाउन सक्नुपर्छ ।’
यस्तै वित्तीय क्षेत्रमा प्रविधिले फड्को मारेको स्मरण गराउदै निक्षेपकर्तालाई विश्वसमा लिन वित्तीय क्षेत्रमा कर्मचारीहरु प्रविधिमैत्री, स्मार्ट, सक्षम हुनु पर्नेमा उनले जोड दिए । वित्तीय साक्षरता प्रदान गरी कारोबार बढेमा संस्था बलियो हुने उनको भनाई छ ।
कर्मचारी युनियनहरुले क्षमता नपुगेका कमजोर कर्मचारीहरु क्षमता अभिबृद्धि गरी संस्थागत प्रगतीमा जोड दिन समेत आग्रह गरेका छन् ।
