अपि पावरले विद्युत बिक्रीबाट ५ करोड ९९ लाख र अन्य स्रोतबाट ६ लाख ३९ हजार रुपैयाँ आम्दानी गरेको छ ।
अघिल्लो वर्ष विद्युत बिक्रीबाट ४ करोड ८ लाख रुपैयाँ कमाएको थियो । विद्युत बिक्री बापतको आम्दानी बढेपछि कम्पनीको नाफा बढेको हो ।
कम्पनीको मुनाफा अघिल्लो आ.व.को यही त्रैमासको तुलनामा ८३ प्रतिशतले बृद्धि भएको हो भने विद्युत बिक्री बाट कम्पनीको आम्दानी ४७ प्रतिशतले बढेको छ ।
अत्तरिया बलाँच १३२ के.भि. ट्रान्समिसन लाईन सञ्चालनमा आएपछि विद्युत विक्रीबाट आम्दानी बढेको कम्पनीले जनाएको छ ।
चुक्तापूँजी १ अर्ब १३ लाख ४० हजार रुपैयाँ रहेको कम्पनीले जगेडा कोषमा ९ करोड १६ लाख रुपैयाँ संचित छ ।
कम्पनीको नाफामा बृद्धि भएसँगै गत वर्ष ६ रुपैयाँ ३२ पैसा रहेको प्रतिशेयर आम्दानी यस अवधिमा १० रुपैयाँ ७२ पैसा पुगेको छ । यस्तै प्रतिशेयर नेटवर्थ १०८ रुपैयाँ ०८ पैसा र मूल्य आम्दानी अनुपात २१.५५ गुणा बढी छ ।
