फर्स्ट माइक्रोले निकाल्यो पहिलो वित्तीय विवरण, खुद नाफा १८ प्रतिशत माथि

Jan 15, 2019 Merolagani

फर्स्ट माइक्रोफाइनान्स लघुवित्त वित्तीय संस्था (FMDBL)  विगतका समयमा झै चालू आर्थिक वर्षको दोस्राे त्रैमासिक वित्तीय विवरण निकाल्ने पहिलो कम्पनी बनेको छ। लघुवित्तको अधिकांश सूचकहरुमा आकर्षक बढोत्तरी भएको छ भने खुद नाफा १८ प्रतिशतले बढेको छ ।

मंगलबार प्रकाशित गरेको वित्तीय विवरण अनुसार लघुवित्त कम्पनीको खुद नाफा पाँच करोड ६३ लाख १६ हजार रुपैयाँ खुद नाफा आर्जन गरेको छ । जुन गत आर्थिक वर्षको यसै अवधिको तुलनामा ८६ लाख १९ हजार रुपैयाँ बढी हो ।

समिक्षा अवधिमा लघुवित्तको चुक्ता पूँजी ४५ करोड ६२ लाखबाट ६८ करोड ४३ लाख पुगेको छ भने जगेडा कोषको आकार ११ करोड ९३ लाखबाट १५ करोड ३० लाख पुगेको छ ।

खराब कर्जा अनुपात शुन्य प्रतिशत रहेको लघुवित्तको प्रतिशेयर आम्दानी १६ रुपैयाँ ४६ पैसा रहेको छ ।

चुक्ता पूँजी वृद्धिका कारण लघुवित्तको इपिएस भने ४ रुपैयाँ ४५ पैसाले खुम्चिएको हो । गत आवको यसै अवधिमा २० रुपैयाँ २१ पैसा इपिएस रहेको थियो ।

थोक लघुवित्त कर्जा प्रवाह गर्ने यस कम्पनीले यस अवधिमा चार अर्ब ५७ करोड सापटी लिएर चार अर्ब ६८ करोड रुपैयाँ कर्जा परिचालन गरेको छ । जसबाट कम्पनीको खुद ब्याज आम्दानी ९ करोड १२ लाख पुगेको छ । गत आवको यसै अवधिमा उसको खुद ब्याज आम्दानी ८ करोड पाँच लाख थियो ।

खर्चमा मितव्ययी बनेको यस कम्पनीको सञ्चालन नाफा ८ करोड ८४ लाख रहेको छ । गत आवमा यस्तो नाफा ७ करोड ४९ लाख थियो ।

माइक्रोफाइनान्सको वित्तीय विवरण अनुसार प्रति शेयर नेटवर्थ १२२ रुपैयाँ ३६ पैसा र मूल्य आम्दानी अनुपात २२.८५ गुणा रहेको छ । कम्पनीले गत बर्षको मुनाफाबाट १२.६३ प्रतिशत (आठ करोड ६४ लाख ४९ हजार ७४३ रुपैयाँ) नगद लाभांश वितरण गरेकाे छ ।

 


comments powered by Disqus

काँग्रेसकाे छायाँ सरकारका अर्थमन्त्री भन्छन्,राष्ट्रबैंककाे स्वायत्तता खाेस्न दिने छैनाैं

Feb 21, 2020 05:28 PM

नेपाली काँग्रेसले नेकपाको स्थीर सरकारले समय खेर फालिरहेको आरोप लगाएको छ । उसले समयको बर्वादी हुन थालेपछि नियन्त्रणमुखी कानूनहरूको सहारामा सरकारले आफू अनुकूलको सम्वृद्धि ल्याउने प्रयत्न गरिरहेको बताएको छ ।