नागरिक लगानी कोष र महालक्ष्मी विकास बैंकको बोनस मंगलबार र पोखरा फाइनान्सको बोनस बिहीबार नेप्सेमा सूचीकृत भएको हो ।
महालक्ष्मी विकास बैंक (MLBL) को गत असोज २६ गते सम्पन्न १७ औं वार्षिक साधारण सभाले चुक्ता पूँजीको ७ प्रतिशत नगद लाभांश र ८ प्रतिशत अर्थात २१ लाख ७ हजार ३७.९६ कित्ता बोनस पारित गरेको थियो ।
नागरिक लगानी कोष (CIT) को पुस ६ गते सम्पन्न तेइसौं वार्षिक साधारण सभाले चुक्ता पूँजीको कर प्रयोजनका लागि १.१६ प्रतिशत नगद लाभांश र २२.०६ प्रतिशत अर्थात १९ लाख ९२ हजार २८९.६६ कित्ता बोनस पारित गरेको थियो ।
पोखरा फाइनान्स (PFL) को गत कात्तिक २० गते सम्पन्न २२ औं वार्षिक साधारण सभाले चुक्ता पूँजीको ८.६८४ प्रतिशत नगद लाभांश र ५ प्रतिशत अर्थात ४ लाख ८ हजार २२५ कित्ता बोनस पारित गरेको थियो ।