गत आर्थिक वर्षको यसै अवधिमा लघुवित्तले १३ हजार खुद नाफा आर्जन गरेको थियो ।
नोक्सानीमा पुगेसँगै लघुवित्तको प्रतिशेयर आम्दानी १२ रुपैयाँ ६६ पैसा ऋणात्मक भएको छ । खराब कर्जा अनुपात पनि ३.५५ बाट बढेर ४.८६ प्रतिशतमा पुगेको छ ।
गत बैशाखमा एक लाख ८० हजार कित्ता साधारण शेयर निष्काशन गरेको यस अवधिमा लघुवित्तले ४ करोड २० लाखको चुक्ता पूँजी ४२.८६ प्रतिशतले बढाएर ६ करोड पुर्याएको छ । कम्पनीको जगेडा कोष पनि ४७ लाख २५ हजार रुपैयाँ सञ्चित गरेको छ । गत आवको पुसमा ११ लाख जगेडा कोष रहेको थियो ।
लघुवित्तले निक्षेप संकलन ६९.५५ प्रतिशतले बढाएर ३ करोड ४८ लाखबाट ५ करोड ९१ लाख पुर्याएको छ भने कर्जा विस्तार २८.३८ प्रतिशतले बढाएर ३३ करोड ६२ लाख बराबरको रकम परिचालन गरेको छ । यसका लागि लघुवित्तले २२ करोड १२ लाख रुपैयाँ सापटी लिएको छ ।
पुस मसान्तसम्म लघुवित्तले २ करोड ५७ लाख ब्याज आम्दानी र एक करोड ६२ लाख ब्याज खर्च गरी ९५ लाख ५ हजार खुद ब्याज आम्दानी गरेको छ । यो गत वर्षको तुलनामा २०.१२ प्रतिशतले बढी हो ।
गत वर्षको यसै अवधिमा लघुवित्तले ७९ लाख १३ हजार खुद ब्याज आम्दानी गरेको थियो ।
लघुवित्तको कर्मचारी खर्च र सञ्चालन खर्चमा बढोत्तरी देखिएको छ । गत वर्ष ५८ लाख ५५ हजार कर्मचारी खर्च र ३० लाख अन्य सञ्चालन खर्च गरेको लघुवित्तले चालु आर्थिक वर्षको दोस्रो त्रैमासमा ६३ लाख ८९ हजार कर्मचारी खर्च र ४१ लाख ५ हजार अन्य सञ्चालन खर्च गरेको छ ।
