दुबै लघुवित्तले निष्काशन गर्न लागेको आईपिओलाई इक्रा नेपालले ‘इक्राएनपि आईपिओ ग्रेड ४’ रेटिङ्ग दिएको छ । यसले कम्पनीको वित्तीय अवस्था औषत भन्दा कमजोर रहेको जनाउछ ।
तनहुँको बन्दीपुर १ डुम्रेमा केन्द्रीय कार्यालय रहेको सबैको लघुवित्त वित्तीयले दोस्रो वार्षिक साधारण सभाबाट आईपिओ जारी गर्ने प्रस्ताव पारित गरेको थियो । लघुवित्तले जारी गर्न लागेको ५ लाख ३० हजार कित्ता अर्थात ५ करोड ३० लाख रुपैयाँ बराबरको आईपिओलाई रेटिङ्ग गराएको हो ।
लघुवित्तमा संस्थापकहरु तर्फको ७० प्रतिशत बराबरको ११ करोड २० लाख रुपैयाँ चुक्ता भैसकेको छ भने आईपिओ जारीपछि लघुवित्तको चुक्ता पूँजी १६ करोड ५० लाख कायम हुनेछ ।
यस्तै, आँधीखोला लघुवित्त वित्तीय संस्थाले जारी गर्ने लागेको ४ करोड रुपैयाँ बराबरको ४ लाख कित्ता शेयर निष्काशन प्रकृया थालेको हो ।
जस अनर्तगत कम्पनीको आईपिओलाई रेटिङ्ग गराएको छ । कम्पनीको आईपिओलाई पनि इक्रा नेपालले ‘इक्राएनपि आईपिओ ग्रेड ४’ रेटिङ्ग दिएको छ । यसले कम्पनीको वित्तीय अवस्था औषत भन्दा कमजोर रहेको जनाउछ ।
स्याङजा भिरकोटमा केन्द्रिय कार्यलय रहेको आँधीखोला लघुवित्तले १० जिल्लाहरुमा १९ शाखा विस्तार गरेका छन् ।
दुवै लघुवित्तको शेयर निष्काशन तथा बिक्री प्रबन्धकको काम एनआईबिएल एस क्यापिटलले गर्नेछ ।