फागुनमा शेयर बजार सँगै म्युचुअल फण्डको एनएभिमा सुधार

Apr 01, 2019 merolagani

फागुन महिनाको शेयर बजारमा सुधार भएको छ । यस महिना शेयर बजार मापन गर्ने नेप्से परिसूचीक २७.२७ अंकले बढेको छ । फागुन महिनामा नेप्से परिसूचकमा भएको वृद्धिको प्रभाबले म्युचुअल फण्डहरूको प्रति इकाई खुद सम्पत्ति मूल्य (एनएभि) सँगै खुद सम्पत्ति पनि बढेको देखिएको छ ।

फागुन महिनामा फण्डहरूको एनएभि सुधार

नेपाल स्टक एक्सचेञ्जमा सूचीकृत भएर कारोबार भईरहेका सबै म्युचुअल फण्डहरूको एनएभिमा सुधार भएको छ । दोस्रो बजारको प्रकृति अनुसार फण्डहरूको एनएभि घटबढ हुने गर्दछ । सोहि बमोजिम फागुनमा फण्डहरूको एनएभि पनि सुधार भएको हो ।

गतवर्षको पुस महिनादेखि सञ्चालनमा आएको सिटिजन म्युचुअल फण्डको एनएभि माघ महिनाको तुलनामा फागुनमा २४ पैसाले बढेको छ । माघ मसान्तमा १० रूपैयाँ ३९ पैसा एनएभि भएको फण्डको फागुनमा १० रूपैयाँ ६३ पैसा पुगेको हो ।

त्यसैगरी लक्ष्मी भ्यालु फण्ड–१ को १९ पैसा, सिद्धार्थ इक्वीटी ओरियन्टेड स्कीम र एनआईबिएल समृद्धि फण्ड १ को १७ पैसा, ग्लोबल आइएमई समुन्नत स्कीमको १६ पैसा, एनआईबिएल प्रगति फण्डको १५ पैसा र एआईसी एशिया ग्रोथ फण्डको एनएभि १४ पैसाले बढेको छ ।

साथै सानिमा इक्वीटि फण्ड र एनएमबि सुलब इन्भेष्टमेन्ट फण्ड १ को १३ पैसा, सिद्धार्थ इक्वीटिको ११ पैसा तथा नविल इक्वीटि, एनएमबि हाईब्रिड र लक्ष्मी इक्वीटि फण्डको एनएभि १० पैसाले सुधार भएको हो ।

कुन फण्डको खुद सम्पत्ति कति ? 

फागुनमा शेयर बजारमा आएको सामान्य सुधार सँगै फण्डहरूको खुद सम्पत्तिमा पनि सुधार भएको छ । यस महिना सिटिजन म्युचुअल फण्डको खुद सम्पत्ति सबै भन्दा धेरै २.०२ प्रतिशतले बढेको छ भने एनआईबिएल प्रगति फण्डको खुद सम्पत्ति पनि दुई प्रतिशतले बढेको छ ।

साथै एनएमबि हाईब्रिडको खुद सम्पत्ति सबै भन्दा थोरै एक करोड रूपैयाँ अर्थात ०.९६ प्रतिशतले बढेको छ ।

ग्लोबल आइएमई समुन्नत स्कीम, लक्ष्मी भ्यलु फण्ड–१, एनआईबिएल समृद्धि फण्ड१, एआईसि एशिया ग्रोथ फण्ड, सानिमा इक्वीटी फण्ड, लक्ष्मी इक्वीटी फण्ड, एनएमबि सुलभ इन्भेष्टमेन्ट फण्ड–१, नविल इक्वीटि र सिद्धार्थ इक्वीटि फण्डको खुद सम्पत्ति एक प्रतिशत भन्दा धेरैले बढोत्तरी भएको छ ।

म्युचुअल फण्डबाट शेयर बजारमा कति थप भयो लगानी ?

माघ महिनाको तुलनामा फागुन महिनामा म्युचुअल फण्डबाट शेयर बजारमा २१ करोड ७ लाख रूपैयाँ लगानी थप भएको छ । हाल सञ्चालनमा रहेका १३ वटा फण्डले माघ महिनामा ६ अर्ब ९८ करोड रूपैयाँबाट बढाएर फागुनमा ७ अर्ब २० करोड रूपैयाँ पुर्याएका छन् ।

१३ वटा फण्डहरू मध्ये फागुन महिनामा सिटिजन म्युचुअल फण्डले सबै भन्दा धेरै अर्थात ६ करोड ११ लाख रूपैयाँ शेयरमा लगानी गरेको छ । सानिमा इक्वीटि फण्ड र ग्लोबल आइएमई समुन्नत स्कीमको तीन करोड रूपैयाँ बराबर शेयर बजारमा लगानी थप भएको छ भने लक्ष्मी इक्वीटि फण्ड र सिद्धार्थ इक्वीटि फण्डले दुई करोड रूपैयाँ भन्दा धेरै रूपैयाँ शेयर बजारमा लगानी गरेका छन् ।

साथै नविल इक्वीटि फण्डले एक करोड ४१ लाख रूपैयाँ बराबर लगानी थप गरेको छ । एआईसि एशिया ग्रोथ फण्ड, एनएमबि हाईब्रिड फण्ड, लक्ष्मी भ्यालु फण्ड, एनआईबिएल प्रगति फण्ड, एनआईबिएल समृद्धि फण्ड र एनएमबि सुलभ इन्भेष्टमेन्ट फण्डले एक करोड भन्दा कम लगानी थप गरेका छन् ।


comments powered by Disqus

नेप्सेले ऋणपत्रको छुट्टै सूचक बनाउने, सरकारी ऋणपत्रहरूको व्यवस्थापन अब अर्थ मन्त्रालयले गर्ने

Jul 07, 2020 11:29 AM

सुधा देवकोटा

अर्थमन्त्री डा.युवराज खतिवडाले दुई वर्षदेखि सरकारी ऋणपत्रलाई अभौतिककरण गर्ने भन्दै आएका छन्। तर अर्थमन्त्री मातहतमा सञ्चालित संस्थाहरूले नै उक्त कार्यलाई बेवास्ता गर्दा अहिलेसम्म सरकारी ऋणपत्रको सहज कारोबार हुन सकेको छैन।