शाखा स्थापनाको दोस्रो वार्षिकोत्सवको उपलक्ष्यमा कम्पनीले रत्ननगर १३ अमिलिया चितवनमा रहेको असहाय वृद्ध कल्याण समाजलाई सहयोग उपलब्ध गराएको हो ।
उक्त कार्यक्रममा सो फाइनान्सका नारायणगढ शाखा तथा जयमंगला शाखाका प्रमुखहरु अच्यूत पण्डित तथा अमृत घिमिरेले संयुक्त रुपमा खाद्यान्न तथा फलफूल असहाय वृद्ध कल्याण समाजकी अध्यक्ष उमा सापकोटा तथा सचिव मुकुन्द खनाललाई संयुक्त रुपमा हस्तान्तरण गरे ।
काठमाण्डौँको भाटभटेनीमा केन्द्रीय कार्यालय रहेको आइ.सि.एफ.सि. फाइनान्स लिमिटेडको देशभर १७ वटा शाखा रहेका छन् । चितवनमा नारायणगढ, जयमंगला, खुरखुरे तथा ज्योतिनगर सहित ४ वटा शाखा कार्यालयबाट ग्राहकलाई अत्याधुनिक बैकीङ्ग सेवा दिइरहेको छ ।